شال: منی گوھار ءُ پت یک مزنیں مردمے ءِ بندیگجاہ ءَ بند اَنت – عبدالصمد

بلوچستان ءِ بنجاھی شھر شال ءِ پریس کلب ءِ نزیک ءَ پاک تاک “قرآن پاک ” دستانی گون ءَ چست کنوکیں سبی ءِ جھمنندیں عبدالصمد ءُ آئی ءِ لوگبانک ءَ کمک ءِ دزبندی کتگ –

عبدالصمد ءُ آئی ءِ لوگبانک ءَ قرآن پاک چست کتگ ءُ گوشتگ کہ منی پت میر حسن ءُ آئی ءِ گوھار (ق) دمگ ءِ یک مزنیں مردمے ءَ آوار جتگ اَنت –

آئی ءَ گوشتگ کہ مارا رشتہ ءِ کنگ ءَ گوشتگ ئے ھنچش اتکگ آئی ءَ منی گوھار ءُ منی پت دستیگ کتگ ءُ برتگ اَنت ءُ مارا یل داتگ-

آئی ءَ اُستانی سرکار، ڈی آئی جی بلوچستان ءُ دگہ مزنیں واکداراں چہ گامگیج زورگ ءِ لوٹ کتگ ءُ گوشتگ مئے توار ءَ گوش بہ دار ات اگاں نا گڑا ما شال ءِ پریس کلب ءِ دیم ءَ زھرشانی کن ایں –