روکپتی بلوچستان ءِ بنجاھی شھر زاھدان ءَ ایرانی چیریں ادارھانی دست ءَ یک ورنایے آوار جنگ ءَ پد بیگواہ-
گیشیں ھالانی رد ءَ گوستگیں آدینگ ءِ روچ ءَ یاسر مینگل ء عبدالستار نامیں ورنایے چیرین ادارھاں دزگیر کتگ ءُ برتگ –
اھوالانی رد ءَ یاسر ءِ آوار جنگ ءِ وھد ءَ دگہ سَے کس ھم آوار جنگ بیتگ اَنت بلے پد ءَ آ سئیں مردم یل کنگ ءُ یاسر داں انگت بیگواہ اِنت-
زانگ بہ بیت روکپتی بلوچستان ءَ ورنایانی بیگواہ کنگ ءِ یک درچے بندات بیتگ کہ روچ پہ روچ ایشی ءِ توک ءَ گیشی گندگ ءَ ایگ ءَ اِنت-
گوستگیں آدینگ ءِ روچ ءَ یک شنگ بیتگیں تامر بندے ءَ گندگ بیت اِنت اود ءَ یک ورنایے ءَ ایرانی لشکر آوار جنگ ءُ برگ ءَ اِنت ءُ پد ءَ آئی ءِ پجار مرتضیٰ ءِ نام ءَ بیتگ اَت-