نیٹو ءُ دگہ ڈیھ یوکرین ءَ سلاہ دیگ ءُ جنگ ءَ ھوار بیگ ءَ اَنت – روسی سروک

روس ءِ سروک ولادیمیر پوٹن ءَ بھتام جنان ءَ گوشتگ کہ نیٹو ءُ ڈگہ ڈیھ یوکرین ءَ سلاہ دیگ ءُ اے جنگ ءَ ھوار بوگ ءَ اَنت روکپتی ڈیھاں روس ءِ پروشگ ءِ شوربندی کتگ-

روسی سروک ءَ گوشتگ کہ روکپتی ڈیھ اربانی ڈالر ءِ سلاہ یوکرین ءَ دیگ ءَ اَنت اے گپ تچک بیتگ کہ اے مردم ءَ ھوار بوگ ءِ برابری ءَ گون اَنت-

ھال سر کنوکیں ادارہ روئٹرز ءِ رد ءَ سروک پوٹن ءِ شنگ کنوکیں ادارہ روسیا – ون ءَ یک شمبے ءِ روچ ءَ گلگدارے ءَ گوشتگ کہ یوکرین ءِ جنگ ءَ روکپت ھواری ءَ میدان ءِ آیگ ءَ ماسکو ءُ روس ءِ مھلوک ءِ زندمان ءِ جنگ ءَ پیش کنگ ءَ گوشتگ کہ آ نیٹو ءِ جوھری سلاھتانی چارگ ءَ لاچار اِنت-

زانگ بہ بیت یوکرین ءِ اُرش ءِ دیگ ءِ ھکم ءَ یک سالے سرجم بیتگ چریشی ءَ پد پوٹن ءَ روس ءِ واستا اے جنگ راجدپتری بھراں بھرے گوشتگ ءُ آ سرپد بیت اِنت روس ءُ آئی ءِ مردم اے وھد ءَ ترس ءِ توک ءَ اَنت-

پوٹن ءَ چار شمبے ءِ روچ ءَ ریکاڈ کتگیں شمبے ءَ شنگ کتگین گلگدار ءَ گیش بھتام جنان ءَ گوشتگ کہ آیانی یک مول ءُ مرادے ایش اِنت آ گوستگیں سوویت یونین ءُ آئی ءِ بنیادی بھراں روس ءِ فیڈریشن ءِ ھلاس کنگ لوٹ اَنت-

پوٹن ءَ گوشتگ کہ روکپت، روس ءَ بھر بھر کنگ لوٹ ایت ءُ پد ءَ ھام تیل ءَ دنیا ءِ مستریں مڈی زیرگ سرپد بیت اِنت-

بہ کول ءِ آئیگ ءَ اے وڑیں گام ھست اَنت کہ روس بازیں مردمانی تباھی بیت کت کنت- ایشانی توک ءَ نسلی روسی ھم ھوار اَنت-

روسی سروک ءِ گوشگ اِنت یوکرین ءَ اربانی ڈالر امریکی ءُ یورپی فوجداری کمک پدر کنت روس نی وت نیٹو ءِ دیمپانی ءَ کنگ اِنت چوش کہ سوویت ءُ روکپتی رھشونانی واستا چیرجنگی ءِ ترس آماچی ءِ واب اِنت-

دومی نیمگ ءَ نیٹو ءُ روکپتی ڈیھاں روس ءِ سروک ءِ اے درشان رد کتگ ءُ گوشتگ کہ آئی ءِ مول ءُ مراد یوکرین ءِ سر ءَ اُرش کنگ ءُ گیش وت ءَ مھکم کنگ اِنت-