ترکی ءَ زمین چنڈ ءَ کپتگیں لوگانی جوڑ کنگ ءِ کار بندات، بیرانیانی کچ پنجاہ ھزار ءَ سر بیتگ انت

ترکی ءَ ھمے ماہ ءَ کھر آماچیں زمین چنڈ ءَ کپتگیں لوگانی کار بندات کنگ بیتگ ءُ ترکی ءُ شام ءَ زمینچنڈ ءَ بیران بیتگیں مردمانی کچ پنجاہ ھزار ءَ گوستگ اَنت-

ھال سر کنوکیں ایجنسی ایسوسی ایٹڈ پریس ءِ رد ءَ شش فروری ءَ اتکگین زمین چنڈ ءَ ترکی ءَ یک لک ءُ شست ھزار ماڑی بازین رنگے ءَ آسر مند بیتگ اَنت ایشانی توک ءَ پنچ لک ءُ بیست ھزار اپارٹمنٹس بس گزرانی ءَ اَنت-

ترکی ءِ ڈیزاسٹر اینڈ ایمرجنسء مینیجمنٹ اتھارٹی ءَ جار جتگ اَت کہ آدینگ ءِ شپ ءَ داں بیرانی کچ گیش بیتگ ءُ چل ءُ چار ھزار ءُ دو سد ءُ ھژدہ ءَ سر بیتگ اَنت ھمے وڑ شام ءَ نوکتریں اھوالاں بیرانی کچ پنچ ھزار ءُ نُھ سد ءُ چاردپ ءَ اَنت-

سروک تجب طیب اردوغان ءَ یک سالے ءِ توک ءَ کپتگیں لوگانی جوڑ کنگ ءِ زبان کتگ-

ھمے وڑ ءَ زانتکارانی گوشگ اِنت واکدار لوگانی جوڑ کنگ ءِ کار پیش ءَ بندات کنگی اِنت – ترکی ءِ سرکار ءِ یک کارمندے ءَ نام ءِ پدر نہ کنگ ءِ سر ءَ گوشتگ کہ بازیں پراجیکٹسانی واستا ٹینڈر ءُ کنٹریکٹ بیتگ اَنت ءُ اے کار ترندی ءَ گون برجاہ اِنت ءُ پھریزی ھچ بوگ ءَ نہ اِنت-

واکدار ءِ گوشگ اِنت بے لوگیں مردمانی واستا تمبو دیم دیگ بیتگ اَنت بلے اسرمندیں مردمان گلگ کتگ کہ آیاں تمبوانی کمی ءِ دیمپانی اِنت-

ھاسا میتگ ءَ یک وانگجاھے ءِ ڈن ءَ لین ءَ اوشتوکیں یک شست ءُ ھپت سالی ئیں میلک ءَ گوشتگ کہ آئی ءِ ھشت زھگ اَنت ءُ آ یک تمبوے ءِ توک ءَ گزران کنگ ءَ اَنت – ھور ءِ جیڑہ ھم ھست اِنت ءُ زمین ھم نمب اِنت –

یک کمکارے سومائی کارابوسک ءَ گوشتگ کہ ایشانی کمی مزین جیڑھے- زمین چنڈ ءَ پد ماڑیانی کپگ ءُ پد ءَ جوڑ نہ کنگ ءِ سر ءَ سروک اردوغان ءِ سرکار ءَ ایرادانی دیمپانی کنگ کپگ اِنت-

ترکی ءِ سرکار ءَ بنداتی ءَ دو لک اپارٹمنٹس ءُ کوچکاں ھپتاد ھزار لوگاں جوڑ کنگ ءَ اَنت پانزدہ ارب ڈالر کساس ءَ ھرچ اَنت امریکہ ءِ جے پی مورگن بینک ءِ رد ءَ ترکی ءَ زمین چنڈ ءَ کپتگیں لوگ ءُ انفراسٹراکچرانی جوڑ کنگ ءَ بیست ءُ پنچ ارب ڈالر ءِ درکاری اِنت-