بلوچستان ءِ دمگ کیچ ءِ ھیڈکوارٹر چہ تربت ءَ پانزدہ روچ ءَ ساری بیگواہ ءُ پد سی ٹی ڈی ءِ نیمگ ءَ چہ دزگیری ءِ پدر کتگیں زمان بلوچ مرچی آجو بیتگ ءُ وتی لوگ ءَ سر بیتگ-
زانگ بہ بیت کہ زمان بلوچ دہ فروری 2023 ءَ چہ تربت جوسک ءَ آوار جتگ اَت چریشی ءَ پد کھول ءَ سی پیک دگ دو روچ ءَ تاں بند کت ءُ نندانک جتگ اَت ءُ اے درگت ءَ پریس کانفرنس ھم نکش کنائینتگ-
زھرشانی ءَ پد ڈی سی کیچ ءِ نیمگ ءَ چہ باور کنائینگ ءَ پد دگ ءِ روگ ءُ آھگی ءِ ھاتر ءَ پچ کتگ ءُ اشی ءَ پد آئی ءِ دزگیری ءِ رمس چاردہ فروی گوادر سربندر ءَ پدر کتگ-
کھول ءَ زمان بلوچ سر ءَ جتگیں سرجمیں بھتام دروگ ءُ وتگڑ گوشتگ ءُ آمیدگس نیمگ ءِ روگ ءِ شور کتگ بلے آ آجو بیتگ ءُ لوگ ءَ سر بیتگ-