ایرانی لئیبانی وزیر حمیدسجادی ءِ بالی پرگ پنچ شمبے ءِ روچ ءَ ڈیھہ ءِ زرباری نیام ءِ دمگءَ کپتگ ءُ تباہ بیتگ کہ اِشی آسر ءَ یک مردمی بیران بیتگ۔
سرکاری رسانکدر ءِ ردءَ وئیل ءَ لئیبانی وزیر ءِ مشیراسماعیل احمدی بیران بیتگ وھدیکہ حمید سجادی ءَ چہ دماگءَ ھون ریچگ ءَ پد سلامتی ءِ ھاترءَ نادراھجاہ ءَ برگ بیتگ۔
لئیبانی وزیر حمید سجادی ءَ ھوار 12 مردماں بروکیں بالی پرگ پنچ شمبے ءِ روچ ءَ ڈیھہ ءِ زرباری نیامی دمگاں کپتگ ءُ تاوان بار بیتگ۔ بالی پرگ ءَ شانزدہ مردم سوار بیتگ اَنت۔
ایران ءِ سرکاری ھال سروکیں ادارگ ارنا ءَ چم دستگیں شاھدانی بابت ءَ گُشتگ کہ بالی پرگ ھما وھدءَ کپتگ کہ وھدے آ کرمان پرگینگ ءِ شھر بافت ءِ اسپورٹس کمپلیکس ءَ ایر کپگ ءِ کوشست کنگ ءَ بیتگ۔
اھولانی ردءَ وزیر ءِ تب جوان اِنت ءُ آئی ءَ تھنا کسانیں ٹپ اَتکگ اَنت۔ آ ءُ آئی ھمراھیں مردم درست نادراھجاہ ءَ سر کنگ بیتگ اَنت۔