پاکستانی پوج ءِ جارکش آئی ایس پی آر ءَ ٹاہ دیان ءَ گُشتگ کہ بلوچستان ءِ دمگ کیچ ءَ لشکریاں سلاہ بندیں مردمانی اُرش ءَ بے سوب کنان ءَ پسھی کاروائی ءِ تہءَ ھشت گُمانی مردم کشتگ اَنت۔
پاکستانی پوج ءِ جارکش آئی ایس پی آر ءِ ردءَ کیچ ءَ سلاہ بندیں مردمانی نیمگ ءَ لشکریانی کاروان ءِ سرءَ اُرش کنگ بیتگ۔
آئی ایس پی آر ءَ ٹاہ داتگ کہ پھازگی لشکریاں ابید ءِ کجام ھم جانی تاوان ءِ گمانی مردمانی اُرش بے سوب کُتگ۔
جارکش ءِ ردءَ لشکریانی کاروان ءِ سرءَ 22 فروری ءِ بیگاہ ءَ اُرش کنگ بیتگ، 23 فروری ءِ سھب ءَ پھازگی لشکریاں پسھی کاروائی ءِ ردءَ بیڑ بران ءَ تیرگواری ءِ تہءَ 8 مردم کُشتگ اَنت۔
آئی ایس پی آر ءِ ردءَ کُشگ بیتگیں مردمانی گورءَ چہ سلاہ ءُ تراکناکیں شورو ھم درکپتگ اَنت۔