چین، یوکرین جنگ ءَ روس ءِ پلامرزی ءِ شوربندی ءَ کنگ ءَ اِنت – نیٹو ءِ سروک

نیٹو ءِ سیکریٹری جنرل جینز اسٹولٹن برگ ءَ چارشمبے ءِ روچ ءَ گوشتگ کہ نیٹو اتھاد ءَ ھنچیں لھتے گمان گندگ ءَ بیتگ اَنت چین یوکرین ءِ جنگ ءَ روس ءِ پلامرزی ءِ شوربندی ءَ کنگ ءَ اِنت – آئی ءَ گوشتگ بیجنگ ءَ زور دیگ ءَ اِنت آ میان اُستمانی کانود ءِ لگمتالی ءَ پھریز بہ کن اَنت –

جینز اسٹولٹن برگ ءَ اے گپ ایسوسی ایٹڈ پریس ءَ یک گلگدارے ءَ گوشتگ نیٹو اے جنگ ءَ ھچ کسی بھر ءَ نہ بیت اِنت ھمینکس وھد بہ لگ ات یوکرین ءِ کمک ءَ کنت-

چین روس ءَ سلاہ دیگ ءَ جنگ ءَ یا آئی ءَ کجام ھم کمک ءَ آئی ءَ جستے ءِ پسہ ءَ اسٹولٹن برگ ءَ گوشتگ ما ھرچی دیستگ آ اے شوربندی ءَ کنگ ءَ اِنت بلے نیٹو اتھادی ءُ امریکہ ھم ایشی ءِ ھلاپ ءَ بیھار دات اِنت پرچاکہ اے یک ھنچیں چیزے اے رنگ ءَ بوگی نہ اِنت ءُ چین ءَ روس ءِ گیر کانونی جنگ ءِ پلامرزی کنگی نہ اِنت –

چار شمبے ءِ روچ ءَ سروک پوتن ءَ چینی کمیونسٹ پاٹی ءِ ھارجہ پالیسی ءِ کلانیں باسک وانگ یی ءَ گون گند ءُ نند کتگ کتگ ءُ چریشی ءَ روکپتی ڈیھ اے زھر ءِ درشان ءَ کنگ ءَ اَنت کہ بیجنگ کساس یک سالے ءَ برجاھیں جنگ ءَ ماسکو ءَ ٹوھیں کمک کنگ ءِ واستا ساجو اِنت-

چین ءَ ارادہ یوکرین ءِ سر ءَ اُرش ءِ ایر جنگ رد کتگ ءُ ماسکو ءِ ٹاپار جتگ اَنت کہ امریکہ ءُ نیٹو کریملن ءِ برانز دیگ ءِ زمہ وار اَنت-

ھمے ھپتگ ءَ چین، روس ءُ زرباری افریقہ ءِ بھرھند ءَ ھم جنگی ھیلکاریاں کن اَنت-

امریکہ ءِ وزیر ھارجہ انٹنی بلنکن ءَ گوشتگ کپ کریملن جنگ ءَ چین ءِ کجام ھم رنگیں ھوار بوگ سنگینین جیڑہ بوت کن اَنت-