گوادر ءُ مشکے ءَ پاکستانی پوج ءَ ھپت مردم آوار جتگ انت

سربوتگیں ھالانی رِد ءَ بلوچستان ءِ دمگ آواران ءُ گوادر ءَ پاکستانی پوج ءَ دو براتاں ھوار ھپت مردم زورانسری آوار جتگ ءُ بیگواہ کتگ انت –

چہ مشکے ءَ آوار جنگ بوتگیں ھردو براتانی پجار داد شاہ ءُ سعید اللہ ء محمد یعقوب ءِ ناماں بوتگ انت –

آوار جنگ بوتگیں مردم مروچی سھب ءَ پاکستانی پوج ءَ چہ مشکے ءِ دمگ کرکی ڈل ءَ بیڑے ءِ میان ءَ زورانسری آوار جتگ ءُ بیگواہ کتگ انت –

دمگی اھوالکارانی رِد ءَ بیڑ ءِ میان ءَ پاکستانی پوج ءَ آوار جنگ بوتگیں مردمانی پت ھم سک باز جتگ ءُ لٹ شاپ کتگ –

دومی نیمگ ءَ چہ گوادر ءَ ھمے ھال آیگ انت کہ پاکستانی پوج ءَ جیونی پانوان ءَ لشکر کشی ءِ میان ءَ پاکستانی پوج ءَ پنچ مردم زورانسری آوار جتگ ءُ بیگواہ کتگ انت –

پانوان ءَ آوار جنگ بوتگیں مردمانی پجار کامر ء مراد، جلیل ء نوھک، وحید ء عزیز ، فیصل ء عبدل ءُ نزیر ء محمد ءِ ناماں بوتگ انت –