بلوچستان ءِ دمگ سیاھجی ءَ مروچی سُھب ءَ چہ بندات بیتگیں لشکر کشی برجاہ ءَ اِنت، اے لشکر کشی ءَ پیادگ کارندھانی ابید بالگرد ھم بھر زورگ ءَ اَنت-
گیشیں ھالانی رِد ءَ بلوچستان ءِ دمگ گوادر ءُ کیچ ءِ میانی دمگ دشت ءِ کوھی دمگ سیاھجی ءَ پاکستانی پوج سھب لشکر کشی بندات بیتگ-
دمگی اِھوالکارانی رِد ءَ لشکر کشی ءَ بمب گواریں بالگرداں اَبید چاریگی ڈرون ھم بھر زورگ ءَ اَنت، وھدے کہ بازیں ءِ ھندانی سر ءَ تیرگواری ءِ ھم ھال اِنت ءُ پوج ءِ کارندھاں ایرگیجگ ءَ اَنت-
اے لشکر کشی ءَ تنی وھدے ھچ وڑیں جانی تاوان ءُ دزگیری ءِ ھال نیست نانکہ سرکاری واکدار نیمگ ءَ لشکر کشی ءِ درگت ءَ درشان دیم ءَ نیتکگ-