کراچی ءَ سلاہ بندیں مردماں پولیس ءِ ھیڈ آفس ءِ سر ءَ اُرش کرتگ، تیرگواری ءِ رد برجاہ

کراچی ءَ شارع فیصل ءَ سلاہ بندیں مردماں کراچی پولیس ءِ ھیڈ آفس ءِ سر ءَ اُرش کرتگ ءُ تیرگواری ءِ رد برجاہ اِنت-

اھوالانی رد ءَ کراچی پولیس ءِ کارگس ءِ سر ءَ ھشت ءُ دہ سلاہ بندیں مردماں بیڑ برتگ ءُ پولیس گِس دستیگ کرتگ جنگ برجاہ اِنت۔ تیر ءُ تراکانی توار اش کنگ بیگ ءَ اَنت، پولیس ءِ کارگس ءِ لیٹ بند کنگ بیتگ اَنت۔

سرکار ءِ نیمگ ءَ گوشگ بیگ ءَ اِنت کہ رینجر، پولیس ءُ آدگہ ادراھانی کارمند بازیں کچے ءَ لوٹائینگ بیتگ اَنت ءُ پولیس گِس چاریں نیمگاں انگر کرتگ۔

دومی نیمگ ءَ کراچی پولیس ءِ سروک جاوید عاکم اوڈھو ءَ کراچی پولیس ءِ کارگس ءِ اُرش ءِ ھال راست کتگ ءُ گوشتگ کہ منی کارگس ءب سر ءَ اُرش بیتگ ءُ تیرگواری ءِ رد برجاہ اِنت-

نادراہ جاہ ءِ رد ءَ تیرگواری ءَ یک مردمے ٹپی ئیں جاوراں جناح ھسپتال ءَ آرگ بیتگ کہ زدگ بیتگیں ریسکیو کارمند ءَ دو دانگ تیر لگ اتگ اَنت ءُ آئی ءِ جاور ناگیگی ءَ چہ ڈن اَنت-