تربت ءِ ھنکین کلاتک ءَ زالبولے تیر لگگ ءَ چہ بیران بیتگ۔
اے گپ انگت نہ گِش اِتگ کہ زالبول ءَ کور ءُ کائی تیر لگ اِتگ، آئی ءَ وتکُشی کُتگ اگں کُشگ بیتگ۔
پشمبے ءِ بیگاہ ءَ تربت ءِ ھنکین کلاتک نوک کھن ءَ زالبول وتی لوگ ءَ تیر لگگ ءِ سوب ءَ بیران بیتگ، کہ اے وئیل ءِ سوب داں اَنگت زانگ نہ بیتگ۔
زالبولے بیرانی ءِ وئیل ءِ سرءَ دو جتاھیں درشان دیما پیداک اَنت بازیں مردمانی ھیال اِنت کہ اے وتکُشی اِنت ءُ لھتیں مردمانی گُشگ اِنت کہ گمان اِنت کہ کوش ءِ وئیل بہ بیت۔
چہ وتواکیں اھوالاں داں انگت اے وئیل ءِ پُشدرءِ بابتءَ دلجمیں اھوال نہ رستگ، ھندی اھوالانی ردءَ بیران بیتگیں زالبولے دو سال پیسر آروس بیتگ اَت ءُ آ مروچی وتی لوگ ءَ تیر لگگ ءِ سوب ءَ بیران بیتگ۔