نال: لینانی بندش ءِ بگیری ءَ دھکانکارانی زھرشانی، شھدگ بند

بلوچستان ءِ دمگ ھزدار نال ءَ لینانی بندش ءُ لوڈ شیڈنگ ءِ بگیری ءَ جھالوان ءِ زمیندار ایکشن کمیٹی ءِ نیمگ ءَ نال ءَ سی پیک شھدگ بند کنگ بوتگ –

چریشی ءَ مزنیں کچے ءَ دگ ءِ سر ءَ گاڑیانی لین لگ اِتگ، مساپر ءُ نادراہ بازیں اڈوجنجالانی دیمپان بوتگ انت –

پدا رند ءَ ھزدار ءِ ڈپٹی کمشنر ءُ اسسٹنٹ کمشنر نال ءِ گوں جھالوان زمیندار ایکشن کمیٹی ءِ میان ءَ گند ءُ نند بوتگ – واکدارانی نیمگ ءَ باور کنائینگ بوتگ کہ دو روچ ءِ تہ ءَ لین دیگ بیت انت کہ پدا رند ءَ شھدگ پچ کنگ بوتگ –

ھمے درگت ءَ دھکانکارانی گوشگ ات کہ بازیں لوڈشیڈنگ ءِسوب ءَ آھانی کشار تباہ بوگ ءَ انت اگاں اے درچ ھمے وڈ برجاہ بوت گڈا دوبر زھرشانی کنگ بیت اِنت –