ھب، تربت ءُ شال ءِ زھرشانیاں بھر بہ زور ایت – بی بی رشیدہ ءِ کھول

سَے فروری ءَ چہ شال ءَ پوج ءِ دست ءَ زورانسری آوار جنگ بوتگیں بلوچ زالبول بی بی رشیدہ ءُ محمد رحیم زھری ءِ کھول ءَ گوں بلوچ راج ءُ انسان دوستاں چہ لوٹ کتگ ءُ گوشتگ کہ آ ھب چوکی، شال ءُ تربت ءِ زھرشانیاں بھر بہ زور انت وتی گھار ءُ ننگ ءُ ناموس ءِ ھاتر ءَ توار چست بہ کن انت –

زانگ بہ بیت باند ءَ بزاں یکشمبے ءِ روچ ءَ سول سوسائٹی ءِ نیمگ ءَ تربت ءُ کھول ءِ نیمگ ءَ ھب چوکی ءَ زھرشانی کنگ بیت وھدیکی چاردہ فروری ءَ ماں شال ءَ زھرشانی کنگ بیت انت –

کھول ءِ گوشگ ات کہ مروچی بلوچ زالبول زنداناں بندیگ انت ءُ آئی ءِ کسانیں زھگ پہ گریوگ ءَ نادراھ بوتگ انت –

دومی نیمگ ءَ چاگردی ترامجاہ ٹویٹر ءَ SaveZehriFamly # ھیش ٹیگ نام ءَ بلوچ سوشل میڈیا ایکٹویسٹ ءِ کمپئین برجاہ انت کہ اشی ءِ تہ ءَ بلوچ سندھی ءُ پشتون ایکٹوسٹ بھر زورگ انت بلوچ زالبول ءُ آئی ءِ لوگواجہ ءِ زورانسری آوار جنی ءَ ترندی ءَ گوں ایرجنگ انت ءُ آئی ءِ یل کنگ ءِ لوٹ ءَ کنگ ءَ انت –