شعیب میر بلوچ زئی ریگی ایرانی واکداراں لٹ شاپ کتگ ءُ آئی ءِ سر ءَ بے سریں بھتام جتگ- ایمنسٹی انٹرنیشنل

گوستگیں سال ءَ زھرشانی ءِ وھد ءَ دزگیر بیتگیں شعیب میر بلوچزئی ءِ پاھو دیگ ءِ پژدرہ ءَ ایمنسٹی انٹرنیشنل ءَ وتی لیکہ درشان اتگ اَنت-

ایمنسٹی انٹرنیشنل ءِ گوشگ اِنت کہ شعیب میر بلوچزئی ایرانی واکداراں لٹ شاپ کتگ ءُ آئی ءَ را چہ ڈیھ ءِ ھلاپ ءَ ناشریانی منگی ءَ لاچاری کتگ –

آئی ءِ گوشگ اِنت شعیب سر ءَ جتگیں پاھو ءِ بھتام رد کنگ بہ بیت ءُ آئی ءِ زوراکیانی ھساب دیگ بہ بیت –

شعیب ھژدہ سالی ئیں یک ورنایے کہ زاھدان ءَ زھرشانی ءِ وھد ءَ دزگیر کنگ بیتگ ءُ چریشی ءَ پد آئی ءِ سر ءَ ایرانی واکداراں بھتام جنان ءَ آئی ءَ را پاھو ءِ دیگ ءِ ھکم منّگ نامہ شنگ کتگ –

زانگ بہ بیت روکپتی بلوچستان ءَ شعیب میر بلوچزئی ءَ ھوار منصور دھمردہ ءُ دگہ ورنایانی سر ءَ ھم ایرانی واکداراں پاھو ءِ ھکم داتگ اَنت-