مالی ڈکال ءِ سبب ءَ امریکہ ءِ بینکاں ھزاراں کار کنوکیں ملازمانی کشگ ءِ چن ءُ لانچ

سرجمیں دنیا ءَ زرکاری جاورانی ناگیگ بوگ ءَ پد امریکہ ءِ بینکاں بازیں کچے ءَ بینکاں کار کنوکیں مردماں کشگ ءِ چن ءُ لانچ بوگ ءَ اِنت-

امریکہ ءِ روتاک فنانشل ٹائمز ءِ رد ءَ زرکاری ءِ نیزروی ءَ پد بینکانی مزنیں اپیسرانی ھرچ ءُ درچ ءِ کم کنگ ءِ سر ءَ زور دیگ بوگ ءَ اِنت-

بینکانی اے پیسلہ ءَ پد ھزاراں مھلوک ملازمی ءَ چہ زبھر بنت ھما گوستگیں سالاں ھایئر کنگ بیتگ اَنت-

اے لڑا ھما ملازم کاینت کہ کورونا ءِ نادراھی ءِ وھد ءَ نوکری ءَ کشگ نہ بیتگ اَنت-

مالداری ءِ گر ءُ دار کنوکیں فرم سلور مائن پارٹنرز ءِ واھند لہ ٹھاکر ءَ گوشتگ ملازمانی کمی کنگ ءِ آمل باز ترندی ءَ گوں بیت اِنت – اے یک ھنچیں ری سیٹے کہ اے گوستگیں دو یا سَے سالانی توک ءَ زلورت ءَ گیش مردم کار ءَ دارگ بیتگ اَنت-

کریڈٹ سوئس، گولڈمین سیکس، مورگن سٹینلے ءُ بینک آف نیویارک میلن ءَ ھوار بازیں بینکاں لھتے ماھانی توک ءَ پانزدہ ھزار ملازمانی کم کنگ بندات کتگ-

زرکاراں ھرچ ءُ نپانی ھاتر ءَ یک جوانیں رنگے ءَ برجم دارگ ءِ جھد کنگی اِنت- آئی ءَ گوشتگ یورپ ءِ بینک امریکہ ءِ بینکانی رندگیری ءَ کن اَنت-

موڈیز ءَ میان اُستمانی بینکنگ ءِ شریداریں سروک آنا ارسوو ءَ گوشتگ کہ من ءَ اوست اِنت ملازمانی کمی کنگ ءَ اے مالداری ءِ ناگیگی ءِ دیمپانی ءَ گیش نہ بیت اِنت بلے سال دوھزار ءَ ڈاٹ کام ءِ کریش بیگ ءَ پد نھاد جاھاں کپتگین سان گیش ناوش بیتگ-

آئی ءَ گوشتگ من ءَ گمان بیت اِنت لس بینکانی ملازمانی موکل بیت اِنت لھتے سالان بنگپ ایر کنگ بیتگ ما یورپی فرنچائززانی کمی گندگ بیتگ بلے ایشی ءِ شور اینکس نہ بیت ھنچش امریکہ ءِ بینکانی چنڈوکانی بیتگ –