تربت یونیورسٹی ءَ بلوچ نودربرانی ھوارین الائنس ءَ تربت یونیورسٹی ءَ وانگی سال دوھزار ءُ بیست ءِ پیس ءُ دگہ آسراتیانی درگت ءَ پیسانی گیشی ءِ ھلاپ ءَ مروچی یونیورسٹی ءِ نزیک ءَ یک پرایمنیں پندی روانکے کچ اتگ-
روانک ءَ مین کیمپس ءَ بندات بیتگ ءُ ایڈمن سیکشن ءِ دیم ءَ بازیں اداراں برجاہ بیتگ بلے یونیورسٹی انتزامیہ ءِ نیمگ ءَ گپ ءُ تران کنگ ءَ کس نیتکگ –
ھمے وھد ءَ اسٹوڈنٹس الائنس ءِ نودربرانی گوشگ ات کہ آ وتی زھرشانی ءَ برجاہ دار ایت-
زانگ بہ بیت جامعہ تربت ءَ سال ءِ اسپرنگ سمیسٹر دوھزار ءُ بیست ءُ سَے ءِ واستا بازیں ڈیپارٹمنٹس، لیب ٹرانسپورٹیشن ءُ دگہ دگہ ھوار اَنت-
اسٹوڈنٹس الائنس ءَ گوستگیں روچ ءَ یک پریس کانفرنست کتگ ات ائی ءَ گوشتگ ات کہ تربت یونیورسٹی ءِ رجسٹرار ءُ وائس چانسلر ءَ وتی چارٹر آف ڈیمانڈ پیش کتگ آیانی لوٹ نودربرانی وانگی در ءَ زرکاری ءِ جنجالانی گستا کنگ بیتگ،آیانی گوشگ ات کہ وائس چانسلر ءَ آیانی گوستگیں درستیں لوٹ ایچ ای سی ءِ نیمگ ءَ فنڈ ءِ نہ بوگ، گرانھادی ءُ مالی ھرچداری ءِ بھانگ کتگ ءُ درست رد کتگ اَنت-
آیاں یونیورسٹی ءِ انتزامیہ ءَ را چار روچ ءِ مھلت داتگ ءُ گوشتگ آیانی جائزیں لوٹاں بہ من ایت اگاں ناں گڑا ترندیں زھرشانی کنگ ءَ آ لاچار بنت-