دشت: پاکستانی پوج ءِ زوراکی برجاہ، سرمچارانی اُرش ءَ شش پوجی مُرتگ انت – بی ایل ایف

بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ جارکش میجر گوھرام بلوچ ءَ دشت مزن بند ءَ پاکستانی پوج ءِ زوراکی ءُ بلوچ سرمچارانی پاکستانی پوج ءِ گوم ءَ میڑ ءِ درگت ءَ وتی آفیشل ٹیلی گرام چینل آشوب ءَ شنگ کرتگیں درشان ءِ تہ ءَ سرجمیں ھال شنگ کتگ گوشتگ کہ پاکستانی پوج ءِ زوراکی برجاہ انت ءُ سرمچاراں دو اُرشاں شش پوجی کارمند کُشتگ انت –

جارکش ءِ رِد ءَ دشت مزن بند ءِ کوھاں سَے روچ انت کہ پاکستانی پوج ءِ زوراکی برجاہ انت – زیکیں روچ ءَ سَے ءُ چِل ءَ دشت بل نگور ءَ نوکیں راہ ، قادر بخش کلگ ءَ مئے سرمچاراں پیسر ءَ سنگر بستگ ءُ دژمن پوج ءِ سر ءَ مزنیں سلاھان گوں اُرش کُتگ ، اُرش ءِ آسر ءَ دو فوجی کارمند مُرتگ انت ءُ بازینے زدگ بوتگ انت –

آئی ءَ دیمتر ءَ گوشتگ کہ مروچی دوازدہ ءُ چِل ءَ یک رندے پدا نوکیں راہ ءَ سرمچاراں دژمن پاکستانی پوج ءِ راہ بستگ ءُ راکٹ ءُ دگہ مزنیں سلاھاں گون اُرش کُتگ چریشی ءَ چار پوجی کارمند ھما دمان ءَ مُرتگ انت ءُ بازینے زدگ بوتگ انت –

میجر گوھرام بلوچ ءِ رِد ءَ زورگیریں پاکستانی پوج ءَ سَے روچ انت کہ دشت مزن بند ءِ کوھاں جھلی ءُ برزی لشکر کشی ءُ زوراکی کنگ انت – سرمچاراں جوانیں جنگی رپک ءُ ھنراں تنی وھدی دژمن پوج پدکنزین اِتگ –

جارکش ءَ گوشتگ کہ زورگیریں پوج ءِ سر ءَ مئے اُرش بلوچستان ءِ آجوئی ءَ تاں ترندی ءَ گوں برجاہ مان انت –