گیس پائپ لائن ءِ سر ءَ اُرش، اُرش ءِ زمہ واری بی ار جی ءَ من اتگ

پنجاب ءَ روکیں گیس پائپ لائن گوستگیں شپ ءَ ناشناسیں مردماں ڈیرہ غازی خان ءَ اُرش کرتگ ءُ تراکینتگ-

ھالانی تہ ءَ گوشگ بیتگ گیس تراکینگ ءَ پد پنجاب ءِ بازیں جاھاں گیس ءِ روگ مھتل بیتگ –

دومی نیمگ ءَ بلوچ سلاہ بندیں گل بی ار جی ءَ وتی شنگ کرتگیں درشان ءِ توک ءَ اے اُرش ءِ زمہ واری من اتگ-

بلوچ ریپبلکن گارڈ ءِ جارکش دوستین بلوچ ءَ گشتگ کہ گوستگیں شپ ءَ سرمچاراں چہ سوئی گیس پلانٹ ءَ پنجاب ءَ روکیں سِی ءُ شش انچ گیس پائپ لائب ڈیرہ غازی خان ءِ ھند ءَ تراکناکیں شورواں گوں تراکینتگ ءُ تباہ کتگ-

دوستین بلوچ ءِ رد ءَ تراک ءِ آسر ءَ پائپ لائن بازیں فُٹاں تباہ بیتگ چریشی ءِ سبب ءَ پنجاپ ءِ بازین جاھاں گیس روگ مھتل بیتگ-

جارکش ءَ گشتگ کہ گل ءِ اے وڑیں اُرش دیم ءَ ھم برجاہ بنت اِنت-