تربت: ڈینگی نادراھانی کچ گیش بوتگ

کیچ ءِ بنجاھی شھر تربت ءَ ٹیچنگ نادراھجاہ ءَ گوستگیں سال ءِ دسمبر ماہ ءَ ڈینگی ءِ نادراھی ءِ سدانی کچ ءَ مردماں ڈینگی نادراھی ءَ گورجتگ –

ٹیچنگ نادراھجاہ ءَ ھوار کیچ ءِ درسیں نادراھجاھاں آسراتی نہ بوگ ءِ سوب ءَ مردم دلسیاہ انت –

نادراھجاھاں اوپی ڈی میان ءَ ھمک روچ ادار دوازدہ ءَ تاں ڈاکٹر گار انت –

گیشیں ھالانی رِد ءَ تربت ٹیچنگ نادراھجاہ ءَ گوستگیں سال ءَ دوھزار بیست ءُ دو ءِ دسمبر ماہ ءَ دوسد ءُ ھپتاد ءُ یک مردماں ڈینگی نادراھی بیتگ – وھدیکہ پرائیوٹ سنٹر ءُ لیبارٹریاں چدوگیشتر بوتگ انت –

اے وڈیں نگیگیں جاوراں ابید ھم جانسلامتی ءِ واکدار بس شور ءُ سلاھی نیاداں وتی وھد ءَ گوازینگ ءَ انت –

اھوالکار ءِ رِد ءَ نادراہ بیزار بنت بلے او پی ڈی ھما پنچ ھپت ڈاکٹر انت –

تربت ءِ ٹیچنگ نادراھجاہ اے دمگ ءِ مستریں نادراھجاہ انت بلے آئی ءِ لیبارٹریاں آسراتی نیست ءُ ناکہ ساپ سپائی کنگ بنت ءُ وارڈانی ھم ھمے ھال انت –