بلوچستان اکیڈمی ءِ ھمک ماھی لبزانکی نیاد مروچی یک جنوری دوھزار بیست ءُ سَے ءَ یکشمبے ءِ روچ ءَ اکیڈمی ءِ گارگس ءَ کارمستر ڈاکٹر غفور شادءِ سروکیءَ برجم دارگ بوتگ، نیاد ءِ جارچینی ءِ ڈبہ کارگشاد شگراللہ یوسف ءَ گون بوتگ- دیوان ءِ گچینی مھمان بلوچی ءِ نامداریں شائر ڈاکٹر شکور زاہد بوتگ- دیوان ءَ لبزانت ءُ زبان دوستاں جوانیں کساسے ءَ بھر زُرتگ ءُ دیوان براھدار کتگ – مروچیگیں نیاد دو بھر ءَ ردانکی ءُ شئر ءُشائری بوتگ –
دیوان ءِ اولی رِدانکی بھر ءَ پیر جان نعیم ءَ عبید شاد ءِ لبزانک ءُ زبان دوستی ءُ نمدیانی درگت ءَ پٹ ءُ پولی نبشتانک ونتگ انت ءُ پدا واجہ غنی پرواز ءَ “قسمت ءُ تقدیر” ءِ بنگپ ءِ سر ءَ تران کتگ-
نیاد ءِ دومی شئر ءُ شائری بھر ءِ تہ ءَ غنی پرواز، شکور زاہد، عارف عزیز، غفور شاد، محسن بالاچ، عابد علیم، مقبول ناصر، حماد ہمراز، یونس واہگ، عمران حاصل، زمان خورشید، زاہد سلیمان ءُ نبی بخش ءَ وتی شئر ونتگ اَنت ، وھدیکہ یوسف عزیز گچکی ءَ میر گل خان نصیر ءِ اردو شئرے پہ دیوان ءَ ندر کتگ –