بلوچستان ءِ دمگ کیچ ءَ پاکستانی پوج ءَ دو ورناہ آوار جتگ ءُ بیگواہ کتگ اَنت-
سربوتگیں ھالانی ردءَ کیچ ءِ بُنجاھی شھر تربت ءَ پاکستانی پوج ءَ زیارت ءَ یک ورنایے آوار جتگ ءُ گوں وت برتگ-
آوار جنگ بیتگیں ورنائے پجّار شھزاد ء پیربخش جھمنند شاپُک نام ءَ بیتگ-
ھمے وڑءَ گوستگیں شپ ءَ کیچ ءِ بُنجاھی شھر تربت کلگ ءَ لشکریاں بیڑبرتگ ءُ زوراکی کنان ءَ یک ورنایے آوار جتگ ءُ گوں وت برتگ-
آوار جنگ بیتگیں ورنائے پجار سبزل ء واجداد جھمنند بالگتر گڈگی نام ءَ چہ بیتگ-
زانگ بہ بیت ھمے یکیں ھپتگ ءَ پاکستانی پوج ءَ سے ورناہ آوار جتگ ءُ گوں وت برتگ اَنت، اشی ءَ ساری بیگواہ بیتگینانی پجار چہ ھُزدار ءَ دو نودربر سراج نور جھمنند اسپکنٹری ءُ محمد عارف جھمنند سرّیج گریشگ ءُ چہ کیچ ءَ نادل بلوچ جھمنند بالگتر نام ءَ چہ بیتگ اَنت-