کورونا کیسزانی ڈیٹا ءَ بہ دنت- ڈبلیو ایچ او ءِ لوٹ چہ چین ءَ

میان اُستمانی جانسلامتی ادارہ ڈبلیو ایچ او ءَ چینی واکداراں گوں گند ءُ نند کتگ چریشی ءَ چین ءَ کورونا ءِ نوکیں کیسزانی ڈیٹاھانی سرکنگ ءِ لوٹ کتگ ءُ دانکہ دگہ ڈیھاں جاورھالانی بارو ءَ جوانتر سرپدی دات کت بہ کنت-

ھال سرکنوکیں ایجنسی اے ایف پی ءِ رد ءَ چین ءَ نوکیں کورونا ءَ سرجمیں دنیا تُرس ءِ دیمپان کتگ ءُ بیجنگ ءِ نیمگ ءَ کچ ءُ کساسانی سر ءَ جست ءُ ایراد گرگ ءَ اَنت-

میان اُستمان ءِ واک ءِ رد ءَ چین ءَ ھسپتال ءُ مردگجاھاں جاہ نیست اِنت ءُ ھمے وڑ سرکاری کچ ءُ کساساں کم کیس گوشگ ءَ اَنت-

ڈبلیو ایچ او ءُ چین ءِ واکدارانی میان ءَ دیریگیں گپ ھما وھد ءَ دیم ءَ اتکگ کہ ادارہ ءِ سروک ٹیڈروس ادھانوم ءَ بیجنگ ءَ را کڈن کتگ کہ آ وبا ءِ جاورھالانی بارو ءَ الکاپ ءَ دلگوش بہ کنت ءُ اشی ءِ درگت ءَ میان اُستمانی جانسلامتی ادارہ ءَ گوں گپ بہ کنت-

گند ءُ نند ءَ پد میان اُستمان ءِ جانسلامتی ادارہ ءِ مول ءُ مراد جاورھالانی بارو ءَ گیش گپ گرگ اِنت ءُ کمک کنگ اِنت-

درشان ءَ گوشگ بیتگ کہ چین ءِ نیشنل ھیلتھ کمیشن ءُ نیشنل ڈیزیز کنٹرول اینڈ پریوینشن ایڈمنسٹریشن ءِ واکداراناں ڈبلیو ایچ او ءَ چین ءِ گامگیج ءُ وبائی نادراہ، جتا جتائیں چار ءُ ٹپاسانی بارو ءَ ویکسینیشن، جانسلامتی ءُ دگہ دگہ بنگپانی سر ءَ تران کتگ-

درشان ءَ گوشگ بیتگ کہ ڈبلیو ایچ او ءَ یک رندے پد ءَ نادراہ ءُ دگہ سرجمیں کچ ءُ کساسانی ٹپاسکاری ءِ درگت ءُ چوشکہ نادراہ نادراہ جاہ ءَ سر بوگ ءَ سرجمی ءَ آئی ءِ جوانیں رنگے ءَ گر ءُ دار کنگ ءُ مرگ ءِ بارو ءَ سرپدی دیگ اِنت-

ڈبلیو ایچ او ءِ واکداراں چہ چین ءَ ویکسین ءِ سرکنگ ءُ ویکسینیشن ءِ بارو ءَ سرپدی دیگ ءُ گیشتر نادراہ ءِ دیم ءَ نیزوریں داب ءُ شست سالی ءَ گیش اُمر مردمانی بارو ءَ سرپدی لوٹ اتگ –

گوستگیں یک ماھے ءِ وھد ءَ میان اُستمانی وبا ءِ نوکیں دروشم ءَ لکانی ھساب ءَ مردم اسرمند بیتگ اَنت ءُ چریشی ءَ چین ءَ آیوکیں مساپراں دنیا ءِ دگہ ڈیھاں سربیگ ءَ اسکریننگ کنگ ءِ پیسلہ کرتگ-