چین ءَ کورونا ءِ گیش بوگ ءَ امریکہ ءَ روکیں مساپرانی چک ءُ تان

امریکہ ءُ اٹلی ءَ چین ءَ آیوکیں مساپراں اژدری کتگ کپ کووڈ 19 ءِ ٹیسٹ ءَ بہ کن اَنت-

اے جار چین ءِ نیمگ ءَ کورونا وائرس ءِ گر ءُ دار ءِ ھلاسی ءَ پد کیسانی گیش بوگ ءَ دیم ءَ اتکگ-

چین ءِ نادراہ جاھاں کورونا وائرس ءَ اسرمندیں مھلوک دوبر تھتانی سر ءَ کپتگ اَنت – اشانی توک ءَ گیشتر کماش ھوار اَنت-

امریکہ ءِ جانسلامتی ءِ پھریز ءِ درگت ءَ درور دیان ءَ یو ایس سینٹرز فار ڈیزیز کنٹرول اینڈ پروینشن ءَ جار جتگ کہ پنچ جنوری ءَ چین ءَ آیوکیں دراھیں بالیگانی مساپراں روگ ءَ پیسر ایئرلائنزاں یک کووڈ ءِ ٹیسٹے کنگی اِنت-

امریکہ ءِ یک کلانیں جانسلامتی ءِ کارمندے ءَ اھوالکاراں گوں تران کنان ءَ گوشتگ کہ کورونا وائرس ءِ گیش بوگ ءَ نوکیں ویریئنٹ ءِ دیم ءَ آیگ ءِ گمان اِنت-

آئی ءِ گوشگ ات کہ بیجنگ ءَ میان اُستمانی ڈیٹا بیس ءَ لھتے چیریں ڈیٹا دزکپتگ اَنت اشی ءِ توک ءَ چار ءُ ٹپاس ءَ نوکیں کیسانی رپورٹنگ ءِ توک ءَ کمی اتکگ –

امریکہ ءِ اے گامگیج اٹلی، جاپان، انڈیا ءُ ملائیشیا ءِ نیمگ ءَ چہ چین ءَ کووڈ 19 ءِ نوکیں ویریئنٹ ءِ بچگ ءَ گامگیجی جار جنگ بیتگ –

اٹلی ءِ جانسلامتی ءِ وزیر اورازیو شلاسی ءَ گوشتگ کہ چین ءَ آیوکیں ءُ اٹلی ءَ چہ گوزکیں دراھیں مساپراں المی اِنت کووڈ 19 ویکسین ءَ بہ جن اَنت-

تائیون ءَ گوشتگ کہ آ بیجنگ ءَ آیوکیں مردمانی اسکریننگ ءَ کنت اِنت – بیلجیم ءِ بنجاھی شھر بروز ءَ میئر ڈرک ڈی فاؤ ءَ چینی تر ءُ تابی جاھاں نامی یے چینی مساپرانان کورونا ءِ ٹیسٹ ءِ ویکسینیشن ءِ کنگ ءَ کڈنی کتگ ات-