راسک ءَ سلاہ بندیں مردماں تیرگواری کنان ءَ دو کس زدگ کتگ اَنت-
سر بیتگیں ھالانی رد ءَ روکپتی بلوچستان ءِ دمگ راسک ءَ سلاہ بندیں مردماں تیرگواری کنان ءَ دو کس زدگ کتگ ءُ وت تتکگ اَنت-
زدگ بیتگیں مردمانی تہ ءَ یکے ءِ پجار منصور رئیسی پور ء شیر مھمد جھمنند شکر جنگل راسک ءِ نام ءَ زانگ بیتگ ءُ دومی ءِ پجار نہ بیتگ-
تیرگواری ءِ وئیل زانگ نہ بیتگ ءُ نانکہ تیرگواری کنوک زانگ بیتگ اَنت، زدگ بیتگیں مردم نادراہ جاہ ءَ برگ بیتگ اَنت-
روکپتی بلوچستان ءَ گیشتر تیرگواریانی وئیل سرکار ءِ نیمگ ءَ سلاہ بند کتگیں مردمانی سر ءَ لڈگ ءَ اَنت بلے اے وئیل ءِ درگت ءَ دگہ گیشیں ھال ھچ دیم ءَ نیتکگ اَنت-