ژوب لشکر کشی ءَ پاکستانی پوج ءِ یک کارندھے کُشگ ءُ دو ٹپی بیتگ اَنت

آئی ایس پی آر ءَ گْوشتگ کہ بلوچستان ءِ دمگ ژوب ءَ پوج ءَ لشکر کشی کتگ ، تیرگواری ءِ رِد ءَ پوج ءِ یک کارندھے کُشگ بیتگ ءُ دو ٹپی بیتگ اَنت وھدے کہ اُرشکار ھم کُشگ بیتگ- دمگ ءَ لشکر کشی برجاہ ءَ اِنت-

پاکستانی پوج ءِ بنشون آئی ایس پی آر ءِ رد ءَ پوج ءَ چیریں ھالانی رسگ ءَ بلوچستان ءِ دمگ ژوب ءَ لشکر کشی کتگ-

آئی ایس پی آر ءَ ٹاہ جتگ کہ سلاہ بندیں مردم چہ اوگانستان ءَ پاکستان ءَ پُترگ ءِ جُھد کتگ اِت لشکر کشی ءَ دلگوش پاکستانی پوج ءِ گوم ءَ تیرگواری ءِ رِد ءَ یک سلاہ بندیں مردمے کُشگ بیتگ وھدے کہ سپائی حق نواز کشگ بیتگ ءُ دو کارندہ ٹپی بیتگ اَنت-

تنی وھدے آزادیں رسانکدرانی نیمگ ءَ آئی ایس پی آر ٹاھانی پدری نہ بیتگ-

پاکستانی رسانکدر رِد ءَ پوج ءِ لشکر کشی گوستگیں 98 کلاں چہ ژوب ءُ کش گور دمگاں برجاہ ءَ اِنت بلے تنی وھدے جنگ بیتگیں مردم ءِ پجّار آئی ایس پی آر ءَ پدر نہ کتگ-

آئی ایس پی آر جارکش رِد ءَ جنگ بیتگیں مردم ءِ ھمراہ انگت یاگی اَنت آیانی بگیری ءَ لشکر کشی برجاہ ءَ اِنت-