تربت پوجی پانگسے ءِ سر ءَ اُرش، اُرش ءِ زمّہ واری بی ایل ایف ءَ منّ اِتگ

ھژدہ دسمبر ءَ کیچ ءِ بنجاھی شھر تربت ءَ ناشناسیں مردماں پوجی پانگسے ءِ سر ءَ دزبمب اُرش ءِ کُتگ –

اُرش تربت بازار ءَ گلام نبی پٹرول پمپ ءِ سر ءَ برجاھیں پوجی پانگسے ءِ سر ءَ کنگ بوتگ کہ ناشناسیں مردماں اتکگ ءُ دزبمب چگل داتگ ءُ در شُتگ – دزبمب اُرش ءَ پوج ءَ جانی تاوان ءِ دیمپانی بوتگ اُرش ءِ زمّہ واری بلوچ آجوئی لوٹوکیں سلاہ بندیں گل بلوچستان لبریشن فرنٹ ءَ منّ اِتگ –

بی ایل ایف ءِ جارکش میجر گوھرام بلوچ ءَ گوشتگ کہ مئے سرمچاراں ھژدہ دسمبر ءِ شپ ءِ ادار نُھ ءَ تربت بازار ءَ گلام نبی پٹرول پمپ ءِ سر ءَ برجاھیں پوجی پانگس ءِ سر ءَ دزبمب اُرش ءِ کُتگ کہ دزبمب پانگس ءِ تہ ءَ کپتگ ءُ چریشی ءَ دو پوجی کارندہ زدگ بوتگ انت –

جارکش ءَ گوشتگ کہ مئے اُرش زوگیریں پوج ءُ آئی کمکارانی سر ءَ تاں بلوچستان ءِ آجوئی ءَ برجاہ مان انت –