زاھدان ءَ دو بلوچ جنکاں شش ءُ سَے ماہ بندیگ کنگ ءُ یک سد ءُ چل ءُ ھشت چابک جنگ ءِ سزا

گوستگیں روچ ءَ ایرانی آمیدگس ءَ دو بلوچ جنکانی سر ءَ نُھ ماہ ءِ بندیگی ءُ یک سد ءُ چل ءُ ھشت چابک جنگ ءِ سزا دیگ ءِ ھکم داتگ –

ایران ءِ سرکار ءِ نیمگ ءَ زالبولانی ھکانی لگتمالی ءِ پژدر ءَ جھانی انسانی ھکانی گلاں وتی زھر ءِ درشان ھم داتگ اَنت-

’آیانی گوشگ اِنت کہ ایرانی سرکار زالبولانی ھکانی شرپ ءَ کنگ ءَ نہ اِنت ءُ چریشی ءَ آیاں وتی دست گونڈ کنگ لوٹ اَنت‘-

روکپتی بلوچستان ءَ سزا ءِ بندیگی ءَ بستگیں بلوچ جنکانی پجار سارہ بلوچ ءُ فاطمہ بلوچ کارانی ءِ ناماں زانگ بیتگ اَنت-

اے ھردوکیں جنک بیست ءُ ھشت ستمبر ءَ چھبار ءَ گرگ بیتگ اَنت ءُ پد ءَ پانزدہ روچ ءَ پد زمانت ءِ سر ءَ یل کنگ بیتگ اَنت-

ھالانی تہ ءَ گوشگ بیتگ کہ سارہ ءَ شش ماہ زندانی ءُ ھپتاد ءُ چار چابک ءُ فاطمہ ءَ سَے ماہ بندیگی ءُ ھپتاد ءُ چار چابک جنگ ءِ سزا اتکگ اَنت-

اے ھردوکیں بلوچ جنکانی سر ءَ بھتام جنگ بیتگ کہ آیاں سرکار ءِ ھلاپ ءَ مھلوک ءِ برانز دیگ ءُ دگہ دگہ بھتام ھوار اَنت-