روکپتی بلوچستان: ایرانی آمیدگس ءِ ھکم ءَ دو بندیگیں بلوچ پاھو دیگ بیتگ اَنت

زاھدان ءُ زابل ءِ زنداناں ایرانی آمیدگس ءِ ھکم ءَ دو بندیگیں بلوچ نشہ باپاری ءِ بھتام ءَ پاھو دیگ بیتگ اَنت-

پاھو دیگ بیتگیں مردمانی پجار قاسم سالار زئی ء ھاشم ءُ عزیز گورگیج ءِ ناماں زانگ بیتگ اَنت-

قاسم زاھدان ءِ نندوک گوشگ بیگ ءَ اِنت سال دوھزار ءُ ھژدہ ءَ نشہ ءِ باپار ءَ دزگیر کنگ بیتگ ءُ پاسدارانِ انکلاب ءِ آمیدگس ءَ مرگ ءِ سزا داتگ ات-

ھمے وڑ ءَ آئی ءِ مرگ ءِ سزا ئے سر ءَ گامگیج زیران ءَ گوستگیں روچ ءَ روکپتی بلوچستان ءِ بنجاھی شھر دزاپ ءَ پاھو دیگ بیتگ –

ھمے وڑ ءَ عزیز گورگیج ھم سال دوھزار ءُ ھژدہ ءَ ماں زھک ءَ گرگ بیتگ ءُ آئی ءِ سر ءَ ھم پاھو اتکگ ءُ گوستگیں روچ ءَ ما زابل ءِ زندان ءَ پاھو دیگ بیتگ –

پاھو دیگ بیتگیں ھردوکیں مردمانی کھول ھال دیگ نہ بیتگ اَنت ءُ پاھو دیگ ءَ پد آیانی کھولانی سر ءَ رھوتی شتگ کہ شمئے مردم پاھو دیگ بیتگ اَنت بیا ات وتی مردمانی لاشاں دستیگ بہ کن ات-