دھکاں پد پالیسیانی دگری ءِ سوڑگ، جاپان ءَ نوکیں میزائل ءِ زورگ ءِ جار جتگ

جاپان ءَ چہ چین ءَ وتی مستریں ترس ءِ گوشگ ءَ پد وتی پھریزی پالیسیانی توک ءَ یک مزنیں دگری ءِ آرگ ءِ منگ نامہ دیم ءَ آورتگ-

جاپان ءِ نیمگ ءَ پوجی تاکت ءِ درگت ءَ پد وتی پالیسی ءِ دگری بازیں وھداں پد دیم ءَ اتکگ –

ھال سرکنوکیں ایجنسی اے ایف پی ءِ رد ءَ جاپان سال دوھزار ءُ بیست ءُ ھپت ءَ پھزداری ءِ پوڑیاں دو درسد گیش کنت ءُ وتی لشکری کمان ءَ نوکیں رنگ دیگ ءُ یک نوکیں میزائلے ءِ گرگ ءِ سدکی داتگ کہ دشمن ءِ درو ءُ دراجیں ھند ءُ دمگاں نشانگ کت کنت –

جاپان ءِ سروزیر فومو کیشیدا ءَ آدینگ ءِ روچ ءَ یک نیوز کانفرنسے ءَ گوشتگ کہ آ راجدپتر ءِ ھنچیں یک وھدے ءَ سر اِنت وتی ڈیھ ءُ وتی راج ءِ پھریزگ ءَ سدکی ءِ گاماں اوشتوک اِنت-

آئی ءَ یوکرین ءِ سر ءَ روس ءِ اُرش ءِ درور دیان ءَ گوشتگ کہ مئے ھمساھگ ءِ ڈیھ ءُ دمگ ءَ جوھری میزائلانی گیش بوتگ اَنت – پوج ءِ ترندگام کنگ ءُ تاکت ءِ زور ءَ یک نیمگی وتی اسٹیٹس ءِ دگری آرگ ءِ جھد ءُ گیش دیم ءَ کیت اِنت-

اے گمان ءَ چہ پدر بیت اِنت کہ جاپان ءِ مھلوک اے دگری ءِ پلامرزی ءَ کنت اِنت- بلے یک گمانے ءَ چہ زانگ بیت اے دگری بس گپانی توک ءَ ھم بوت کنت پرچاکہ جاپان دومی جھانی جنگ ءَ پد اے گپ منیتگ آئین سرکاری دروشم ءَ پوج ءَ نہ من ایت-

آدینگ ءِ روچ ءَ کابینہ ءَ سَے پھریزی ءُ سیکورٹی ءِ گیش ھوارینگ ءَ بیجنگ ءَ جاپان ءِ امن ءُ ایمنی ءَ مزنیں اسٹریٹیجک چیلنجے گوشتگ –

جاپان ءِ سرکار ءَ مالی سال دوھزار ءُ بیست ءُ ھپت ءَ وتی پھریزی ھرچ ءُ درچ ءَ را جی ڈی پی ءَ دو درسد گیش کنگ ءِ ارادہ ءَ دار ایت –