بلوچستان ءَ سے جتاجتائیں دمگاں سے مردم کُشگ بیتگ اَنت

بلوچستان ءِ جتاجتائیں دمگ نوشکی، ھُزدار ءُ شال ءَ یک مردمے تیرگواری ءِ آسر ءَ کُشگ بیتگ ءُ دو مردم ءِ لاش دز کپتگ اَنت-

سربوتگیں ھالانی رِد ءَ نوشکی ءِ دمگ غریب آباد ءَ ناشناسیں سلاہ بندیں مردمانی تیرگواری ءِ آسر ءَ مھیم ء محمد اشرف جمالدینی کُشگ بیتگ-

پولیس ءَ وئیل پدر کتگ بلے وئیل سوب زانگ نہ بیتگ-

دومی نیمگ ءَ چہ ھُزدار ءِ تھسیل وڈھ یک ٹپ ءُ ٹوریں لاشے دزکپتگ- پولیس گْوشگ اِنت کہ گوستگیں روچ ءَ پولیس ءَ ھال سر بیتگ کہ جوئے نورا ءَ پیریں مردمے ءِ لاش دزکپتگ-

پولیس گوشگ رِد ءَ اے مرد لَٹ ءُ کُٹ کتگ ءُ کُشتگ تنی وھدے وئیل سوب زانگ نہ بیتگ وھدے کہ پولیس پٹ ءُ پول کنگ ءَ اِنت-

دزکپتگیں لاش ءِ پجّار محمد افضل ء زرک جھمنند وڈھ نام ءَ چہ بیتگ-

ھمے وڑ شال ءَ چارشمبے ءِ روچ ءَ چہ روکپتی بائی پاس اچکزئی ٹاؤن ءَ یک مردمے ءِ لاش دزکپتگ ءُ آئی ءِ پجّار نواب خان نام ءَ چہ بیتگ –

پولیس ءَ لاش دزگپتگ ءُ نادُراھجاہ ءَ برتگ پہ گیشیں چار ءُ ٹپاس ءَ پد کھول ءَ داتگ ، وئیل واب انگت زانگ نہ بیتگ-