گوادر ءَ لین بندی ءِ بگیری ءَ کوسٹل ھائی وے سر ءَ زھرشانی کتگ ءُ بند کتگ

بلوچستان ءِ تیاب دپی شھر گوادر ءَ لین ءِ بند بوگ ءِ بگیری ءَ یکشمبے ءِ روچ ءَ شنکانی در ءِ ھند ءَ دمگ مردماں زھرشانی کنان ءَ مکران کوسٹل ھائی وے سر ءَ نندانک جتگ-

چریشی ءِ سبب ءَ گاڑیانی روگ ءُ آھگ مھتل بوگ ءِ سبب ءَ بارکشیں گاڑی ءُ مساپر کشیں گاڑی پس اِتگ ءُ مردم دلسیاھانی دیمپان اَنت-

دمگی مردمانی گْوشگ اِنت کہ کیسکو ءَ بے سبب ءَ لین بند کتگ ءَ دمگ تھاروکی ءِ تہ ءَ دور داتگ-

آئی ءَ گْوشتگ کہ ناجائزیں بِل ءُ دراجیں لوڈشیڈنگ ھمکروچی جوڑ بوگ ءَ اِنت- کاردارانی کمی ءُ بلّانی بھر ءُ بانگ ، ءُ بل گیش میٹر ریڈنگ نکش کنگ بگیری ءِ زھرشانی کنگ بوگ ءَ اِنت-

زانگ بہ بیت گوادر ءَ لین نہ بوگ یک دراجیں مدتے ءَ چہ برجاہ ءَ اِنت، انّوگاں ھک دے تھریک ءِ بنداتی زھرشانی مکران کوسٹل ھائی وے سر ءَ لین نہ بوگ ءِ بگیری ءَ بندات بیتگ-