مشھد: ایرانی آمیدگس ءَ روکپتی بلوچستان ءَ زھرشانی پلامرزی ءِ پژدر ءَ عبدالغفار نقشبندی پیش بیگ ءِ پرمان کتگ

راسک ءِ امام جمعہ مولانا عبدالغفار نقشبندی ایرانی آمیدگس ءَ چھبار ءَ پولیس ءِ آپیسر ءِ دست ءَ پانزدہ سالی ئیں بلوچ جنکو ءِ گون ءَ زوراکیانی ھلاپ ءَ توار چست کنگ ءُ سرجمیں ڈیھ ءَ زھرشانیانی پژدر ءَ مشھد ءِ علما آمیدگس ءَ پیش بیگ ءِ پرمان کتگ-

اے گپ ھما وھد ءَ دیم ءَ اتکگ کہ مولانا عبدالغفار نقشبندی ءَ چھبار ءَ بیتگیں وئیل ءِ گپ پاشک کتگ اَنت ءُ سیستان و بلوچستان ءَ زھرشانیانی پلامرزی کتگ ءُ سرکار اے وئیل ءِ زمہ واری نامینتگ ات-

ھالانی تہ ءَ گوشگ بیتگ کہ مروچی آئی ءَ یک رھوتی ھالے اتکگ ءَ گوشگ بیتگ کہ تو آمیدگس ءَ پیش بو تو سیستان و بلوچستان ءَ بیوکیں برانزیانی پلامرزی کتگ اَنت –

آئی ءَ پسھی ءَ گوشتگ کہ من ءَ آمیدگسی تچکیں پرمان بہ ات ءُ سر بہ بیت من پیش باں –

آئی ءِ گند ءُ نند خامنہ ای سرکار ءِ یک نمائندگے ءَ گوں بیتگ ھردوکانی میان ءَ داں دیراں گپ ءُ رپ بیتگ اَنت-

زانگ بہ بیت گوستگیں روچاں ھم ھمے وڑیں وئیل دیم ءَ اتکگ بیتگ اَنت اود ءَ خامنہ ای ءِ علما نمائندگاں نیاد ءَ مولانا عبدالحمید ءُ عبدالغفار ءِ سر ءَ بھتام جنی کتگ ات ءُ پد ءَ سیستان و بلوچستان ءِ سرجمیں عالم دیناں ھردوکانی پلامرزی ءُ ھمگرنچی ءِ درشان داتگ ات-