بلوچستان ءِ بنجاھی شھر شال ءَ اُرش ءِ تُرس ءِ پشدر ءَ سرکاری ادارگاں ھژار بیگ ءِ پرمان شنگ کنگ بیتگ اَنت۔
اھوالانی ردءَ بنجاھی پولیس کارگس شال ءَ بیھاری آھیزگ شنگ کُتگ، کہ اِشی ردءَ بندش جتگیں گل شھر ءَ اُرش کنگ ءِ شور بندی کنگ ءَ اَنت۔ ادارگاں شنگ کُتگیں ٹپال ءَ گُشگ بیتگ کہ بندش جتگیں گل ءَ وتکُشیں اُرش ءِ ھاترءَ زالبولیں بمبار ءِ ساڑی کُتگ۔
پرگینگی بندر ءَ کجام جاہ نشانگ کنگ بیت اِنت، اِشی اھوال داں انگت دیما نئیتکگ اَنت۔ بنجاھی پولیس کارگس شال ءِ نیمگ ءَ شنگ کُتگیں ٹپال ءِ تہءَ سرجمیں شھر ءِ ایس پی ایز ءَ ھژار بئیگ ءِ پرمان شنگ کنگ بیتگ۔