ھزدار ءَ پاکستانی پوج ءِ سر ءَ اُرش، اُرش ءِ زمّہ واری بی ایل اے ءَ منّ اِتگ

سربوتگیں ھالانی رِد ءَ بلوچستان ءِ دمگ ھزدار ءَ ناشناسیں مردماں پوجی پانگس ءِ سر ءَ دزبمب اُرش ءِ کتگ ءُ در شتگ انت –

اُرش ءِ آسر ءَ پاکستانی پوج ءَ جانی تاوان ءِ دیمپانی کنگ کپتگ ، اُرش ءِ زمّہ واری بلوچ آجوئی لوٹوکیں سلاہ بندیں گل بی ایل اے ءَ منّ اِتگ-

بلوچ لبریشن آرمی ءِ جارکش جیئند بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ بی ایل اے ءِ سرمچاراں ھزدار ءِ شھر کٹھان پُل ءَ برجاھیں زورگیریں پاکستانی پوج ءِ پانگسے ءِ سر ءَ دزبمب اُرش ءِ کُتگ – اُرش ھما وھد ءَ کتگ وھدیکہ پوجی کارمند پانگس ءَ ڈن یکجاہ بوتگ انت –

جیئند بلوچ ءَ گوشتگ کہ اُرش ءِ آسر ءَ دژمن پوج ءِ چار کارمند زدگ بوتگ انت – اُرش ءِ زمہ واری ءَ بی ایل اے منیت –