سر بیتگیں ھالانی رد ءَ دو زندانی پاھو ءِ ھکم ءِ سر ءَ جتائیں کوٹیاں برگ بیتگ اَنت-
ایرانی آمیدگسی پرمان ءَ تنی وھدی روکپتی بلوچستان ءَ بازیں کچے ءَ مردم پاھو دیگ بیتگ اَنت کہ چریشانی توک ءَ گیشترین بھر ورنایانی گندگ ءَ کیت اِنت –
گیشیں ھالانی رد ءَ روکپتی بلوچستان ءِ بنجاھی شھر دزاپ ءَ ایرانی آمیدگس ءِ ھکم ءَ دو بندیگیں مردم پاھو دیگ ءَ جتائیں کوٹیان برگ بیتگ اَنت-
پاھو ءِ ھکم نامہ ءَ برگ بیتگیں مردمانی پجار مھمد عیسیٰ زئی جھمنند کریم آباد زاھدان ءُ عارف کبدانی ء عبدالرشید جھمنند مشترک زاھدان ءِ نام ءَ زانگ بیتگ اَنت-
مھمد عیسیٰ ایرانی سال نود ءُ ھشت ءَ یک کوشے ءِ بھتام ءَ گرگ بیتگ ءُ سَے سال ءَ داں زندان کنگ ءَ پد گوستگیں روچ شمبے ءَ جتائیں کوٹی ءَ برگ بیتگ ءُ آئی ءِ سر ءَ پاھو دیگ ءِ چن ءُ لانچ بیتگ اَنت-
ھمے وڑ ءَ عارف ایرانی سال نود ءُ ھپت ءَ یک کوشے ءِ بھتام ءَ گرگ بیتگ ءُ گوستگیں روچ ءَ آ چہ زاھدان ءِ زندان ءَ کشگ بیتگ ءُ پاھو ءِ کوٹی ءَ برگ بیتگ-
ھالانی تہ ءَ گوشگ بیتگ کہ عارف ءِ دو برات اسلم ءُ میر اھمد گوستگیں ھپت سال ءُ پنچ سال ءَ پیسر ماں زاھدان ءَ پاھو دیگ بیتگ اَنت-