سر بیتگیں ھالانی رد ءَ روکپتی بلوچستان ءَ ایرانی چیریں ادارھانی دست ءَ یک مردمے بیگواہ-
بیگواہ کنگ بیتگیں مردم ءِ پجار مرتضیٰ نباتزئی ءِ نام ءَ زانگ بیتگ کہ راسک جمعہ امام مسیت ءِ پیش امام مولانا عبدالغفار بلوچ ءِ ڈڑائیور گوشگ بوگ ءَ اِنت –
ھالانی تہ ءَ گوشگ بیتگ کہ مرتضیٰ یک دکانے ءَ نندوک بیتگ کہ چیریں ادارھاں دزگیر کرتگ ءُ برتگ-
زانگ بہ بیت مولانا عبدالغفار بلوچ ءَ ایرانی چیریں ادارھانی دست ءَ آوار جنگ بیتگیں مردمانی آوار جنیانی ھلاپ ءَ ترندیں ایراد گپتگ بیتگ-
مولانا عبدالغفار بلوچ روکپتی بلوچستان ءِ دینی ھما رھشوناں چہ یکے آ ایرانی چیریں ادارہ ءُ دگہ کارمندانی سر ءَ زُلمانی ھلاپ ءَ ترندیں ایراد گپت اِنت-