روکپتی بلوچستان ءَ بندوکیں مردم یکشل ءَ ایرانی آمیدگس ءِ ھکمانی پرمان ءَ پاھو ءِ ساد آیانی گٹ ءَ دیگ ءُ کُشگ بوگ ءَ اَنت کہ چرے زندانی جتاجتائیں بھتاماں پاھو دیگ بیگ ءَ اَنت-
گوستگیں روچ ءَ ایران ءِ اُستان مشھد ءَ یک بندیگیں بلوچے پاھو دیگ بیتگ ءُ کُشگ بیتگ –
پاھو دیگ بیتگیں مردم ءِ پجار امین آبیل ء نظر جھمنند زابل ءِ نام ءَ زانگ بیتگ-
ھالانی تہ ءَ گوشگ بیتگ کہ امین ایرانی سال نود ءُ ھشت ءَ ما مشھد ءَ نشہ ءِ بھتام ءَ گرگ بیتگ –
روکپتی بلوچستان ءَ ھوار ھوار زابل ءِ نندوکیں بلوچ ھم ایرانی آمیدگس ءِ اے کھر ءَ رکگ ءَ نہ اَنت چریشی ءَ چہ بازیں کچے ءَ اود ءَ بندیگاں وتی سپائی کنگ ءِ موہ دیگ نہ بیت تھنا آیاں یکسری بھتام بندگ ءُ پاھو دیگ بیت اِنت-
ایرانی آمیدگس ءِ اے کارنامھاں چہ انسانی ھکانی گل یکشل ءَ زھر ءِ درشان ءُ گپتگیں مردماں انساپ ءِ در ءَ کنگ ءِ لوٹ ءَ کنگ ءَ اَنت-