بلوچستان ءِ دو جتاجتائیں دمگاں پاکستانی پوج ءُ کُشندہ ٹولی کارندھانی سر ءَ اُرش کنگ بیتگ

بلوچستان ءِ دو جتاجتائیں دمگ واشک ءُ کیچ ءَ پاکستانی پوج ءُ کُشندہ ٹولی کارندھانی سر ءَ سلاہ بندیں مردماں اُرش کتگ-

سربوتگیں ھالانی رِد ءَ کیچ ءِ دمگ زامران ءِ ھند پْگنزان ءَ ناشناسیں سلاہ بندیں مردماں پاکستانی پوج ءِ بُنجل ءِ پھازوکی پانگس سر ءَ اُرش کتگ، ھمے وڑ واشک ءِ دمگ راگے ءَ سلاہ بندیں مردماں کُشندہ ٹولی کارندھانی اوتاک سر ءَ اُرش کتگ ءُ تاوان داتگ اَنت ، دومی نیمگ ءَ اے بیتگیں دوئیں اُرشانی زمہ واری بلوچ آجوئی لوٹوکیں سلاہ بندیں گل بی ایل ایف ءَ منّ اِتگ اَنت

بلوچستان لبریشن فرنٹ ءِ جارکش میجر گْوھرام بلوچ ءَ وتی یک شنگ کتگیں درشانے ءِ تہ ءَ گْوشتگ کہ شانزدہ نومبر ءَ سرمچاراں زامران ءِ ھند پْگنزان ءَ پوج بُنجل ءِ پھازوکی پانگس سر ءَ بیگاہ ءِ ساھت پنچ ءُ بیست ملٹ ءَ راکٹ ءُ دگہ ٹوھیں سلاھانی سر ءَ اُرش کتگ چریشی ءِ آسر ءَ دُزمنیں پوج ءَ جانی ءُ مالی تاوان چست کنگ کپتگ-

میجر گْوھرام بلوچ ءَ دیمتر ءَ گْوشتگ کہ واشک ءِ دمگ راگے سکن ءَ آدینگ ءِ شپ ءَ ریاستی چاریگانی اوتاک سر ءَ اُرش کتگ ءُ دو چاریگ کشتگ اَنت – اے اُرش ھما وھد ءَ کتگ وھدے آ اد ءَ شوربندی درگت ءَ یکجاہ بوتگ اَنت – آ سرمچارانی سر ءَ اُرش ءِ جاڑیگی ءَ دلگوش بیتگ اَنت بلے سرمچاراں اشانی ساڑی بیگ ءُ شوربندی پیسر ءَ چہ سرپد بیتگ اَنت-

جارکش ءَ دیمتر ءَ گْوشتگ کہ سرمچاراں زوتاں اُرش کتگ چریشی ءَ احمد علی ءُ زوھیر ء احمد علی مرتگ اَنت وھدے کہ دومی سنگت تچگ ءَ سوبمند بیتگ اَنت- اے دوئیں نعیم ءِ سروکی ءَ ریاستی گْوشگ پد ءَ بلوچانی بگیری ءَ پُرکار بیتگ اَنت- اش گل نیمگ ءَ چہ باز رند ءَ مکن کنگ بیتگ اَنت کہ آ پاکستانی پوج ءَ کمک کنگ ءَ پھریز بکن اِت بلے آ وتی کرداراں چہ نہ سُدر اِتگ اَنت- انّی ھم احمد علی ءِ چُک دل جان، رحمدل ءُ مھراللہ سلاہ بند اَنت ءُ نعیم ءِ سروکی ءَ ریاستی ءَ چاریگ ءِ کردار ءَ پیلو کنگ اَنت –

میجر گْوھرام بلوچ ءَ دیمتر ءَ گْوشتگ کہ اشاں یکرندے پد ءَ کڈّن کن ایں آ بلوچ چُکچینی ءَ ھمگرنچ پاکستان ءِ ھمراھداری ءَ پھریز بکن اَنت اگاں ناں گڑا آ پھل کنگ نہ بنت پرچاکہ چُکچینی ءَ ھوار کجام ھما مردم سزا بین الاقوامی راھبندانی سر ءَ رد ءَ اَنت-

آئی ءَ گْوشتگ کہ دُژمنیں پوج سر ءَ اُرش تاں زورگپتگیں بلوچستان ءِ وتواجھی ءَ برجاہ بنت-