لسبیلہ: گوستگیں شش روچاں لسبیلہ یونیورسٹی ءِ انتزامیہ ءِ ھلاپ ءَ برجاھیں ھرتال ءَ ھواریں نودربرانی جاور ناگیگ

سر بیتگیں ھالانی رد ءَ بلوچستان ءِ دمگ لسبیلہ ءَ گوستگیں شش روچاں چہ یونیورسٹی انتزامیہ ءِ ھلاپ ءَ بلوچ اسٹوڈنٹس فرنٹ ءِ نیمگ ءَ ھرتال برجاہ-

ھرتال ءَ ھواریں نودربرانی جاورناگیگی ءِ دیمپان اَنت چریشی ءَ چہ نودربر نادراہ جاہ ءَ برگ بیتگ اَنت-

اے ھرتال گوستگیں شش روچاں بلوچ اسٹوڈنٹس فرنٹ ءِ اوتھل ھنکین ءِ نیمگ ءَ یونیورسٹی ءِ انتزامیہ ءِ ترسینگ ءُ دگہ دگہ رویشانی ھلاپ ءَ برجم دارگ بیتگ –

ھالانی تہ ءَ گوشگ بیتگ کہ اے چرے زھرشانی ھرتال ءَ ھواریں بی ایس ایف ءِ بنجاھی پتر ءِ باسک آسیہ بلوچ ءِ جاور ناگیگ بیتگ اَنت ءُ آ نادراہ جاہ ءَ برگ بیتگ-

بلوچستان ءَ یک نیمگے ءَ وانگ ءِ آسراتی نہ بوگ ءُ دومی نیمگ ءَ مزن مزن شھدربرجاھاں انتزامیہ ءِ رویش پہ نودربراں یکشل ءَ ترند گندگ ءَ آیگ ءَ اَنت-

اوتھل ءَ ھوار ھوار دگہ جاھاں نودربر ھمے وڑیں وئیلانی دیمپان کہ چریشی ءَ چہ آیانی وانگی تکاں آسر کپگ اِنت-