امریکی بحریہ ءَ عمان ءِ زر ءخ تراک ناکیں شوررواں پُریں بوجیگے گپتگ

امریکہ بحریہ ءَ خلیج فارس ءَ جاڑیگیں پنچمی بیڑے ءَ گوشتگ کہ ایران ءِ راہ خلیج عمان ءَ روکیں دریاوردانی یک بوجیگے تراک ناکیں شوروں دزی ءَ روگ ءَ بیتگ کہ گپتگ-

ھبررساں ادارہ روئٹرز ءِ رد ءَ پنچمی بیڑے ءَ سَے شمبے ءِ روچ ءَ شنگ بیتگیں یک درشانے ءَ گوشگ بیتگ کہ امریکی پوج ءَ ھپتاد ڈن ءَ گیش ایمونیم پروکیٹ دزگپتگ اَنت کہ راکٹ ءُ میزائل ءِ جوڑ کنگ ءَ کار ءَ اتکگ اَنت –

امریکہ بحریہ ءِ پنچمی بیڑے ءِ کمانڈر وائس ایڈمرپ بریڈ کوپر ءِ گوشگ ات کہ مزنیں کچے ءَ تراک ناکیں شورو گپتگ اَنت بازیں گاماں دوری ءَ بیلسٹک میزائل ءِ جوڑ کنگ ءَ کار دے اَنت-

آئی ءَ گوشتگ کہ ایران ءِ نیمگ ءَ گیر کانونی کمکے ءِ آیگ ءِ درگت ءَ ھال سرکرتگ-

آئی ءَ گوشتگ کہ اے یکدم گیر زمہ واری کردے چریشی ءَ پرایمنیں مزن ھور ءَ جنجالانی دیمپانی بیت اِنت-

زانگ بہ بیت سال دوھزار ءُ پانزدہ ءَ ایران ءِ سر ءَ بھتام بیتگ کہ آئی ءَ یمن ءَ ھوسیانی کمک ءَ ھمسنتیں ڈیھاں سلاھ دیگ ءِ بھتام بیتگ-

ایران ءِ نیمگ ءَ اے درگت ءَ تنی وھدی دگہ گپ دیم ءَ نیتکگ اَنت-

امریکی بحریہ ءِ رد ءَ بوجیگ ءَ چار یمنی شھری ھم ھوار اَنت ءُ یک سد گونی کود ھم دزکپتگ اَنت کہ کشت ءُ کشاری ءَ ابید تراکناکیں شورواں کارمرد کنگ بنت-

درشان ءَ دیمتر ءَ گوشگ بیتگ کہ کار ءُ باری تکاں ترگجاھاں نگاہ ایر کنگ بہ بیت امریکہ پوج ءَ بوجیگ زر ءَ بڈینتگ ءُ مردم عمان ءِ کوسٹ گارڈ ءِ دست ءَ داتگ اَنت –

گوستگیں سال ءَ ھم پنچمی بیڑے ءَ توپک ءُ گولہ ءَ پُریں دریاوردانی یک ھنچیں بوجیگے گپتگ اَت اشی ءَ گوشگ بیتگ اَنت اے بوجیگ ھوسیانی کمک ءَ ایران ءَ چہ اتکگ –