بلوچستان ءِ سیمسری شھر چمن ءَ ھواریں اوگان ءِ سیمسر سیمی روچ ءَ بند اِنت بلوچستان ءَ دیم پہ اوگان ءَ روکیں مھلوک دو ادارانی واستا پچ کنگ بیتگ –
باپاری تکاں گاڑیانی روگ ءُ آیگ بند بیتگ ءُ چریشی ءَ تاجراں بازیں جیڑہ ءُ تاوانانی دیمپانی کنگ کپتگ-
یکشمبے ءِ روچ ءَ چمن ءُ اوگانستان ءِ سیمسراں ناوشی ھما وھد ءَ ودی بیتگ اَنت اوگانستان ءِ سیمسراں گیٹ ءَ اوشتوکیں پاکستانی لشکر ءِ سر ءَ تیرگواری ءَ کنگ بیتگ اَت-
مشیر داخلہ بلوچستان ضیار لانگو ءِ رد ءَ اے وئیل ءَ سَے پاکستانی لشکر زدگ بیتگ اَنت ءُ چریشانی توک ءَ یکے ءَ ساہ داتگ ءُ مرتگ –
اُرشکار ءِ سی سی ٹی وی فوٹیج ءَ گندگ بیت اِنت اُرشکار نودربرے ءِ دروشم ءَ بیتگ ءُ اتکگ بلے اوگان تالبان ءَ اے اُرشکار ءِ سرپدی بیگ ءَ وت ءَ بے دلگوش کتگ-
یکشمبے ءں روچ ءَ اوگان واکداراں چہ بیتگیں ھمگرنچیں نیاد ءَ پاکستانی لشکری واکداراں اُرشکار ءَ دست ءَ دیگ ءَ داں سیمسر ءِ پچ کنگ ءِ نھاد کرتگ دوشمبے ءِ بیگاہ ءَ دو ادارہ ءَ سیمسر پچ کنگ بیتگ ات کہ اود ءَ اوشتوکیں مھلوک بہ گوز اَنت ءُ پد ءَ بند کنگ بیتگ کہ ھما اِنت بند اِنت-