وھد اتکگ نی روس زوال آماچیں جنگ ءَ ھلاس بہ کنت – ولادیمیر زیلنسکی

یوکرین ءِ سروک ولاددیمیر زیلنسکی ءَ گوشتگ کہ ’نی وھد اتکگ کہ روس زوال آماچیں جنگ ءَ ھلاس بہ کنت ءُ ھزارانی کچ ءَ جاناں بہ رکین ایت‘-

فرانسیسی ھبر رساں ایجنسی اے ایف پی ءِ رد ءَ سَے شمبے ءِ روچ ءَ انڈونیشیا ءَ بیوکیں جی 20 سروکانی نیاد ءَ ویڈیو ءَ تران کنان ءَ یوکرین ءِ سر ءَ گوشتگ ’ من ءَ اوست اِنت نی وھد اتکگ کہ روس زوال آماچیں جنگ ءَ ھلاس بہ کنت ءُ دارگ ھم بیت اِنت‘-

امریکہ ءُ اتھادی جی 20 ءِ سروکاں نیاد ءِ وھد ءَ یوکرین ءِ جنگ ءِ ھلاس کنگ ءُ روس ءَ زور دیگ ءُ میان اُستمانی تکاں وردانی برزی ءِ سر ءَ ھم توار چست کنگ بیت اِنت-

دنیا ءِ بیست مزنیں زرکاریں رھشون انڈونیشیا ءِ شھر بالی ءَ مُچ بیتگ ءُ دانکہ گرانھادی ءِ سر ءَ الکاپیں ٹپاسکاری ءِ سر ءَ چار ءُ گزاری کنگ بہ بیت دانکہ لکانی مھلوک اے کھر آماچیں ڈکال ءَ رک ایت کت بہ کنت-

روسی سروک ولاد دیمیر پوتن ءِ ناسروکاں یک ھنچیں ھمسنتیں برجم کتگ چریشی ءَ چہ میان اُستمانی زرکاری ءِ راہ ءُ رھبنداں ھشت ماہ ءِ جنگ ءِ زمہ واری لڈ اتگ-

ھمے وھد ءَ برطانوی سروزیر رشی سوناک ءَ گپ کنان ءَ گوشتگ کہ اد ءَ ھُرتچاری بہ بیت گڑا سروک پوتن ءِ جنگ ءَ چہ ھرچ لوگ اسرمند بیتگ-

چوشکہ روس ءِ ھمسنت چین چہ روس ءَ کمے کساس دل چل اِنت ءُ وائٹ ھاؤس ءِ رد ءَ امریکی سروک جوبائیڈن ءَ سروک شی جن پنگ ءَ جوبائیڈن ءَ گند ءُ نند ءِ وھد ءَ جوھری سلاھانی کارمرد کنگ ءِ ترس پدر کرتگ-

روسی سروک والادیمیر پوتن ءِ اے نیاد ءَ بھر نہ زورگ ءِ پیسلہ کتگ پرچاکہ روس یک ھنچیں شرمناکیں جنگے چلگ ءَ اِنت چریشی ءَ گمانی آئی ءَ پروشی ءِ دیمپانی کنگ کپگ اِنت ءُ چریشی ءِ سر ءَ آئی ءِ پلامرزی کنوکانی گمان اِنت بوت کنت ھردوک ھلاس بنت-