روکپتی بلوچستان: ایرانی چیریں ادارھاں شش آوار جتگ ءُ برتگ

سر بیتگیں ھالانی رد ءَ گوستگیں شپ ءَ ایرانی چیریں ادارھاں شش کس آوار جنگ ءَ پد ناشناسیں جاھاں برتگ اَنت-

گیشیں ھالانی رد ءَ روکپتی بلوچستان ءِ بنجاھی شھر زاھدان ءَ ایرانی چیریں ادارھاں شش کس لٹ ءُ کُٹ کنگ ءَ پد گون وت برتگ اَنت-

اے آوار جنی ءِ وئیل زاھدان ءَ چمران و حسین دگ ءَ یک برنج ءِ دکانے ءِ دیم ءَ پیش اتکگ –

اود ءَ شنگ بیتگیں تامر ءَ گندگ بیت اِنت یک دو سد ءُ پنچ گاڑی ءَ پس پوشاکی مردم اَنت کہ اود ءَ مردماں لٹ ءُ کُٹ کنگ ءَ پد گون وت برگ ءَ اَنت-

ھر ششیں مردمانی درگت ءَ دگہ گیشیں سرپدی نہ بیتگ ءُ نانکہ آیانی نام ءُ جاہ زانگ بیتگ اَنت-

روکپتی بلوچستان ءَ اے دو ماھانی توک ءَ یکشلیں آوارجنیانی درچ یکشل ءَ ترندی ءَ گون برجاہ اَنت کہ ھمک روچ مردم آوار جنگ ءُ بیگواہ کنگ بیگ ءَ اَنت-