زاھدان ءِ بندیگ جاہ ءَ دو بندیگیں بلوچ پاھو دیگ بیتگ اَنت

روکپتی بلوچستان ءَ ھلاس نہ بوگیں پاھواں بازیں کچے ءَ بندیگیں مردمانی ساہ گپتگ اَنت-

سر بیتگیں ھالانی رد ءَ روکپتی بلوچستان ءِ بنجاھی شھر زاھدان ءِ مزنیں جیل ءَ دو بندیگیں بلوچ پاھو دیگ بیتگ اَنت-

پاھو دیگ بیتگیں مردمانی پجار امان اللہ عالی زئی ء مھمد ھسین جھمنند زاھدان ءُ نعمت اللہ براھوئی ءِ ناماں زانگ بیتگ اَنت-

ھالانی تہ ءَ گوشگ بیتگ کہ امان اللہ ایرانی سال نود ءُ نُھ ءَ نشہ ءِ باپاری ءِ بھتام ءَ گرگ بیتگ ءُ آ زاھدان ءِ زندان ءَ پاھو دیگ بیتگ-

ھالانی تہ ءَ گوشگ بیتگ کہ زندانی واکداراں امان اللہ ءِ کھول آئی ءِ پاھو ءِ بارو ءَ سرپدی داتگ اَنت-

ھالانی تہ ءَ گوشگ بیتگ کہ امان اللہ ءِ پاھو ءَ پد آئی ءِ کھول سرپد کنگ بیتگ کہ شمئے مردم ءِ لاش ما زاندان ءِ سرت ھانہ ءَ اِیر انت ءُ آ شتگ انت گڑا آئی ءِ گٹ ءَ پاھو ءِ ساد بوتگ –

دگہ یک ھالے ءِ رد ءَ ایرانی آمیدگس ءِ پرمان ءَ پانزدہ بندیگیں بلوچ ھم پاھو دیگ بیتگ اَنت-

ھالانی تہ ءَ گوشگ بیتگ کہ اے پانزدھیں مردمانی ھال ایرانی پاھو دیوکیں واکداراں چیر داتگ ءُ کس سرپد نہ کرتگ –

اے پانزدھیں پاھو دیگ بیتگیں مردمانی بارو ءَ وکیلاں زھرشانی کتگ ءُ گوشتگ کہ مارا پرچا ھال دیگ نہ بیتگ بلے جیل ءِ واکدارانی رد ءَ اے مردمانی پاھو نامہ چہ تھران ءَ بیتگ ءُ چریشی ءَ چہ آ پاھو دیگ بیتگ اَنت-

سال دوھزار ءُ بیست ءُ یک ءَ داں انیگیگ ءَ پنجاہ مردم پاھو دیگ بیتگ کہ جتا جتائیں جرمانی پژدر ءَ آیانی سر ءَ بھتام بیتگ اَنت-