چاگردی ترامجاھاں شنگ بیتگیں یک تامر بندے ءَ لھتے مردماں ایرانی آشوبی لیڈر خامنہ ای ءِ بینر چست کرتگ ءُ پلامرزی ءَ زھرشانی کنگ ءَ اَنت-
زھرشانی روکپتی بلوچستان ءِ دمگ دشتیاری ءَ کنگ بیتگ ءُ اود ءَ لھتے مردماں خامنہ ای پلامرزی ءَ اوگام ءُ امریکہ ءُ اسرائیل ءِ ھلاپ ءَ اوگام جتگ-
تامر بند ءَ گندگ بیت اِنت کہ زھرشانی کنوکانی ھواری ءَ سکیورٹی کارمند ھم ھوار اِنت کہ آیانی پلامرزی ءَ کنگ ءَ اِنت-
روکپتی بلوچستان ءِ چاگردی ترامجاھانی کارمرد کنوکاں ایراد گپتگ ءُ گوشتگ کہ روکپتی بلوچستان ءَ ھونی جاوراں ھم مھلوک چوشیں کارنامہ سازگ ءَ اَنت-
آیانی گوشگ اِنت کہ گوستگیں روچ ءَ ھاش ءَ سکورٹی پورسز ءِ تیرگواری ءَ بازیں کچے ءَ مردم جنگ بیتگ اَنت بلے اشانی لگتمال کنگ ءَ ھوار خامنہ ای سرکار ءِ پلامرزی ءَ اے درکپتگ انت اے ھونانی سر ءَ یک لگتمالی یے –