گوادر: بلوچستان ھکومت ءِ نماز جنازہ چست کتگ

بلوچستان ءِ تیاب دپی شھر گوادر ءَ ھک دے تھریک ءِ نندانک شھید حمید چوک سر ءَ مروچی پنچمی روچ اِنت برجاہ ءَ اِنت –

سے شمبے روچ ءَ گوادر ءُ کش گور ءِ مردمانی مزنیں کچے نندانکجاہ ءَ ساڑی بیتگ اَنت-

اے درگت ءَ ھک دے تھریک ءِ سروک ھدایت الرحمان بلوچ ءُ حسین واڈیلا ءَ تران کنان ءَ گْوشتگ کہ اے نندانک داں ھما وھد ءَ برجاہ بیت وھدے داں مئے لوٹانی سر ءَ چست ءُ ایر کنگ نہ بیت – آئی ءَ بلوچستان ھکومت تُرندیں ایر جتگ ءُ گْوشتگ کہ بلوچستان ھچ وڑیں ھکومت نیست ءُ نانکہ ھچ کس اپوزیشن وجود بیت-

آئی ءَ بی این پی مینگل ھم تُرندیں ایر جتگ ءُ گْوشتگ کہ قدوس بزنجو ءِ دست راست بلوچستان ءِ جیڑہ سر ءَ بے توار اِنت-

آئی ءَ گْوشتگ کہ جام دور ھکومت باپ سر ءَ ایر جنوک نو باپ ءِ اتھادی جوڑ بیتگ –

اشاء نماز ءَ چہ ملا موسیٰ وارڈ ءَ نندانک ءَ نشتگیں مردماں پیتے چست کتگ ءُ ھکومت بلوچستان نماز جناہ وانتگ-

زانگ بہ بیت اے نندانک ءَ نوکیں لوٹ ھوار اَنت، گوستگیں سال ءَ یک ماھے ءَ برجاھیں بیتگیں نندانک ءَ لوٹانی سر ءَ چست ءُ ایر نہ بیتگ نی دوبر ھک دے تھریک ءَ زھرشانی بندات کتگ-

زانگ بہ بیت ھک دے تھریک ءَ ھواریں زھرشانی کنوکاں ھکومت ءَ نوزدہ لوٹ ایر کتگ کہ اے لوٹانی تہ ءَ بلوچستان ءِ بلوچ میتگانی سر ءَ ھوار مکران ڈویژن ءَ بے زورتیں پھازوکی پانسگانی ھلاس کنگ، گوادر ءِ زری ھاک ءَ درانڈھی ٹرالرز ءِ پترگ ءُ شکار سر ءَ پابندی، ایران ءَ چہ ورگ ءُ توژگ ءِ آرگ ءِ اجازت، شراب جاھانی واستا داتگیں لائنساں بند کنگ، بیگواھیں بلوچ سیاسی باسکانی یل کنگ ھم ءُ دگہ لوٹ ھم ھوار اَنت–

گوستگیں سال ءَ گوادر دراجیں زھرشانی ءَ ایر کتگیں سرجمیں لوٹ منّ اِتگ ءُ ھکومت بلوچستان ءَ نندانک ءَ نشتگیں مردمانی گوم ءَ گپ ءُ دیوان کتگ-

بلے مولانا ھدایت الرحمان بلوچ رِد ءَ آیانی منّ اِتگ لوٹ یکرندے ھم چست ایر نہ کتگ اَنت-