کیچ ءِ بنجاھی شھر تربت ءَ سوشل ویلفیئر ڈپارٹمنٹ کیچ ءِ ووکیشنل ٹریننگ سنٹر ءَ نودبرانی کورس سرجم بوگ ءَ مراگش ءِ برجم دارگ بوتگ ءُ آھانی سند بھر کنگ بوتگ انت –
سوشل ویلفئیر ڈپارٹمنٹ کیچ ءَ وانوکیں نودربراں سینگار، دوچ ءُ دگہ کورسانی سرجم کنگ ءَ پد مروچی نودربراں دوچ سکّگے سند دیگ بوتگ انت –
مراگش ءِ گچینی مھمان قدیر لقمان، کیچ سوشل ویلفئیر ڈپارٹمنٹ ءِ ڈپٹی ڈائریکٹر بوتگ انت -مراگش ءَ تران کنان ءَ آھانی گوشگ ات کہ ووکیشنل ٹریننگ کورس انسان ءِ زند ءِ تہ ءَ شری آرگے کمک ءَ کن انت ءُ اے سند ھم نودربراں ٹکنیکل کار ءِ ھاتر ءَ کار دئینت اشی ءِ ھمراھی ءَ اے کارانی سکگ ءَ پد ھمے کار ءَ وتی روزگار کت کن ایت –
مراگش ءِ گڈسر ءَ سنٹر ءِ انچارج میڈم زینب برکت ءُ آر سی سی ووکیشنل ٹرینگ سنٹر تربت ءِ سوشل ویلفئیر آپیسر ءَ ڈپٹی ڈائریکٹر ءِ منت گپتگ ءُ گوشتگ دیمے ھپتگ ءَ نوکیں کلاسانی جار جنگ بیت انت –