سر بیتگیں ھالانی رد ءَ روکپتی بلوچستان ءِ بنجاھی شھر دزاپ ءَ یک ورنایے وتی کار جاہ ءَ ماڑی ءَ کپتگ ءُ بیران بیتگ-
بیران بیتگیں ورنا ءِ پجار امان اللہ رند ءِ نام ءَ زانگ بیتگ-
ھالانی تہ ءَ گوشگ بیتگ کہ امان ماڑی ءَ لفٹ ءِ سر ءَ کار ءَ بوتگ ءُ چمود ءَ لگوشتگ ءُ کپتگ ءُ چریشی ءِ سبب ءَ آ بیران بیتگ-
اے وئیل دزاپ ءِ دمگ کوسر آباد ءَ پیش اتکگ ءُ اود ءَ آ یک ماڑی ءِ سر ءَ کار ءَ بوتگ –
ھالانی رد ءَ گوشگ بیتگ کہ کار ءِ سر ءَ شریں پھزداری آسراتی نیستی ءِ سبب ءَ اے وئیل پیش اتکگ ءُ اشی ءَ ھوار ھوار دگہ جاھاں ھم چوشین وئیل پیش اتکگ بیتگ اَنت بلے انتزامیہ ءُ گر ءُ دار کنوکاں اے وڑیں وئیل یکشل ءَ ڈالچار کتگ اَنت-