پاکستانی لشکریاں سئے روچ پیسر مشکے ءَ یک مردمے دزگیر کنگ ءَ پد ناشناسیں ھنداں بُرتگ۔
سر بیتگیں ھالانی ردءَ بیگواہ بیتگیں مردمے پجار عمر ء غلام قادر ءِ نام ءَ بیتگ، کہ آ چہ مشکے ءِ ھند نوکجو ءَ دزگیر کنگ بیتگ۔
کھول ءَ بیگواھی ءِ ھال راست کنان ءَ گُشتگ کہ آ سئے روچ پیسر لشکریاں رندک کیمپ ءَ توار کُتگ بیتگ، وھدے آ لشکریانی پرمان ءِ ردءَ کیمپ ءَ شُتگ گُڑءَ آ دزگیر کنگ بیتگ ءُ پدءَ ناشناسیں جاھی ءَ بندیگ کُتگ۔
زانگ بہ بیت کہ بلوچستان ءَ چہ ھمک روچی ردءَ زورانسری بیگواھیانی کیس نبشہ کنگ بنت۔ ھمے ھپتگ ءِ تہءَ پاکستانی لشکریانی دست ءَ کراچی، خاران، شال، خضدار ءَ ھوار جتاھیں دمگاں چہ مردمانی زورانسری آوار جنی ءِ کیس دیما اتکگ اَنت۔